99
Ei̱cali̱i̱ri̱ ha kitebe kya b̯ukama hakati̱ wa bakeru̱u̱bbi̱, leka nsi gi̱zi̱ngi̱zi̱ke!
2 Mukama wamaani mu Sayu̱u̱ni̱,
aku̱haari̱i̱zi̱b̯wa hakyendi̱ wa bantu bensei̱.
3 Leka bantu bensei̱ bahaariize b̯ukooto na b̯uzira b̯weibara lyamu,
Yooyo mu̱syanu̱!
4 Mukama mu maani gaamwe yendya b̯winganiza
ogu̱mi̱i̱ryeho nkoragana,
waadosereerya b̯unanu,
na b̯urungi mu Yakobbo.
5 Muhaariize Mukama Ruhanga weetu̱,
mu̱rami̱i̱rye mu mei̱so ga kitebe kyamwe!
Ali yooyo mu̱syanu̱!
6 Mu̱sa nʼAlooni̱ baalingi bamwei̱ mu balaami̱ baamwe,
na Samwi̱ri̱ yaali mu bab̯wo banyakweta ibara lyamwe,
beeti̱ri̱ Mukama, yaabeeramwo.
7 99:7 Kidemu 33:9Yaabazengi̱ nabo kuraba mu nkondo gyeiguru
beegwi̱ri̱ bigambu byamwe baabikwata,
hamwei̱ na biragiro bi̱yaabaheeri̱.
8 Ai̱ Mukama Ruhanga weetu̱,
waaberi̱ri̱mwo kusaba kwab̯u,
oli Ruhanga munyakubaganyira,
naab̯u̱wafu̱u̱bi̱i̱ri̱ b̯ubiibi b̯wab̯u.
9 Muhaariize Mukama Ruhanga weetu̱,
kandi mu̱rami̱i̱rye ha lusahu lwamwe lu̱syanu̱,
kubba Ruhanga weetu̱ ali mu̱syanu̱!