120
Kyembu kya kutemba hakyendi̱.
1 Mu b̯ujune b̯wange nyaaku̱ngi̱ri̱ Mukama,
yanzi̱ramwo.
2 Ai̱ Mukama, ncungura hali babaza b̯u̱gobya,
kandi bakacwa makuru.
3 We ngobya we, olikolwa kyani?
Mucwa makuru we, olidweb̯waho kyani?
4 Olifubirwa mbasi gya mu̱lwani̱,
olihembwaho makala ga mworo.
5 Kamboneweeni̱ gya b̯u̱nyagonyeeri̱ mu Meseki̱,
nyei̱cala mu heema gya Kedara!
6 Kasu̱mi̱ kanene kamaari ninkwicala na batendya b̯u̱si̱nge.
7 Nyendya b̯u̱si̱nge,
bei̱tu̱ b̯ubaza nibatara b̯ulemu.