124
Kyembu kya kutemba hakyendi̱. Zabbu̱li̱ gya Dau̱di̱.
1 Kabbengi̱ ataali Mukama yooyo kubba ha rubaju lwetu̱,
leka I̱saleeri̱ hataati̱ gibaze,
2 “Kabbengi̱ Mukama ataali ha rubaju lwetu̱,
banyanzigwa b̯u̱batu̱ru̱mbi̱ri̱,
3 bakatu̱zi̱ki̱i̱rye,
hab̯wa ki̱ni̱ga kyab̯u kinene hali twe.
4 Mwomwo mwizulo gwakutumaari twensei̱,
hab̯wa meezi̱ kutumera,
5 na bijanga byaku̱tu̱ku̱ti̱ri̱,
nibitubbumba.”
6 Mukama ahaariizwe,
atatu̱heeri̱yo,
mu meino ga banyanzigwa.
7 Tu̱keni̱ri̱ nka nnyoni̱,
gi̱tesu̱ki̱ri̱ mu mutegu gwa mu̱hi̱gi̱,
mutegu gu̱kadu̱ki̱i̱ri̱ twahona!
8 Kujunwa kwetu̱ kuruga mwibara lya Mukama,
munyakuhanga iguru na nsi.