125
Kyembu kya kutemba hakyendi̱.
1 Bab̯wo beesiga Mukama, beisana lusahu Sayu̱u̱ni̱,
lu̱tazi̱ngi̱zi̱ka bei̱tu̱ lwicalaho biro na biro.
2 Nsahu nka ku̱zelogoleerye Yeru̱salemu̱,
kwokwo Mukama yeelogoleeryanga bantu baamwe,
kuruga hataati̱ na biro na biro.
3 Babiibi tibalilema nsi gya barungi,
b̯ubali balema,
na barungi,
balyezagya nibakukora bibiibi.
4 Ai̱ Mukama, kolera barungi birungi,
na bab̯wo bali beesigwa mu mitima myab̯u.
5 Bei̱tu̱ bahabi̱ri̱ mu mihanda mibiibi,
Mukama ali̱bazi̱kya hamwe na nkori̱ za bibiibi,
B̯u̱si̱nge b̯ubbe mwʼI̱saleeri̱.