126
Kyembu kya kutemba hakyendi̱.
1 Mukama b̯u̱yaacu̱ngwi̱ri̱ banyansi ba mu Sayu̱u̱ni̱ kuruga mu b̯unyagwa,
twei̱sanengi̱ nka bakuloota.
2 Twasemererwe hoi̱,
twahi̱i̱ma byembu neisanyu linene,
mwomwo banyamahanga bakoba yati,
“Mukama abakoleeri̱ byamaani.”
3 Mukama atu̱koleeri̱ byamaani,
tu̱semereerwe hoi̱.
4 Ai̱ Mukama, tu̱he mu̱gi̱sa,
nka ndagali̱ b̯ugiirya meezi̱ mu migira myomi̱ri̱.
5 Balisiga nibakulira,
balikesa mu kusemererwa!
6 Aligyenda naalira yeetweki̱ri̱ nsigo gya kusimba,
ali̱i̱ra kwamu̱gi̱ na kusemererwa, yeetweki̱ri̱ byakesi̱ri̱.