127
Kyembu kya kutemba hakyendi̱. Zabbu̱li̱ gya Sulumaani.
1 Mukama, waatabi̱mba nnyu̱mba,
baku̱gi̱bi̱mba bagadira b̯usa.
Mukama waatalinda rub̯uga,
bali̱ndi̱ balindira b̯usa.
2 Mugadira b̯usa ku̱zi̱ndu̱ka karei,
kulaala itumbi,
ku̱tu̱u̱ya kukoora bidyo,
bei̱tu̱ Mukama bakwendya abaha bibakwetaaga baleeri̱.
3 Mu mananu baana kili kisembu kuruga hali Mukama,
baana gili mpeera kuruga hali Mukama.
4 Nka mbasi mu ngalu za mu̱lwani̱,
bali baana ba muntu abyala mu b̯usigazi b̯wamwe.
5 Ali na mu̱gi̱sa,
wa nsahu gye gi̱i̱zwi̱ri̱ mbasi,
talikwatwa nsoni̱ kwemeera mwirembu,
nab̯wali̱ru̱mbwa banyanzigwa baamwe.