128
Kyembu kya kutemba hakyendi̱.
1 Ali na mu̱gi̱sa atamwo Mukama ki̱ti̱i̱ni̱sa,
akora bya Mukama bi̱yendya!
2 Olidya ha bijuma bya ntu̱u̱yo zaamu,
olibba wa mu̱gi̱sa kandi oli̱si̱ngu̱ra.
3 Mu̱kali̱ waamu alibba nka mu̱zabbi̱bbu̱ guwa byana mu nnyu̱mba gyamu,
nka mu̱zayi̱tu̱u̱ni̱ gu̱sogi̱ri̱ kwokwo baana baamu balibba ba maani ha meeza gyamu.
4 Mu mananu kwokwo aliheeb̯wa mu̱gi̱sa,
yogwo atamwo Mukama ki̱ti̱i̱ni̱sa.
5 Mukama akuhenge mu̱gi̱sa mu Sayu̱u̱ni̱,
woomeeranga kuwona mi̱gi̱sa mya Yeru̱salemu̱.
6 Woomeeranga kuwona baana
ba baana baamu,
b̯u̱si̱nge b̯ubbe hali I̱saleeri̱!