129
Kyembu kya kutemba hakyendi̱.
1 “Kuruga mu b̯uto b̯wange bambonab̯woneserye hoi̱,”
leka I̱saleeri̱ gibaze yati,
2 “Bambonawoneseerye hoi̱ kuruga mu b̯uto b̯wange,
bei̱tu̱ batakansi̱ngu̱re.
3 Baasari̱ bihote ha mugongo gwange,
kandi bagufoora nka musiri gubali̱mi̱ri̱mwo.”
4 Mukama murungi,
asaari̱ miguha mya babiibi, yancungura.
5 Leka bensei̱ banyakunoba Sayu̱u̱ni̱,
basingurwe kandi basware!
6 Leka beisane nka mutala gwa ha kasolya ka nnyu̱mba,
gu̱hotoka gu̱takahandi̱ri̱,
7 mwi̱hi̱ra gu̱gwo mutala tasobora kugukwata mu ngalu,
habbe kugubboha mutwaru,
8 kandi na bakurabaho tibasobora kukoba,
“Mu̱gi̱sa gwa Mukama gubbe nawe.
Tukukusabira mu̱gi̱sa mwibara lya Mukama!”