130
Kyembu kya kutemba hakyendi̱.
1 Ai̱ Mukama, nka kundi mu b̯ujune b̯unene, nku̱kwesengereerye.
2 Ai̱ Mukama, weegwa iraka lyange!
Ontegere mapokopo gaamu
geetegerye iraka lyange ninkukusaba!
3 Ai̱ Mukama, obbe waahondekerengi̱ bibii byetu̱,
naani yaakasobora kwemeera mu mei̱so gaamu?
4 Bei̱tu̱ weewe otuganyira
mwa kukutangamwo ki̱ti̱i̱ni̱sa.
5 Ncala nindindiira Mukama, mutima gwange gwamulindiiranga,
na kigambu kyamwe nkukyesiga,
6 mutima gwange gwalindiranga Mukama,
nka mu̱li̱ndi̱ kwalinda b̯wi̱re kukya,
na kukirahoona mu̱li̱ndi̱ kwalinda b̯wi̱re kukya.
7 Ai̱ I̱saleeri̱, weesiganga Mukama!
Hab̯wakubba Mukama abba wa ngonzi zinene,
naakucungura kwamwe kubba kwa biribiri.
8 130:8 Matayo 1:21; Ti̱to 2:14Kandi alicungura Bei̱saleeri̱,
abatoolehoona bibii byab̯u byensei̱.