2
Sari na Ninaedi rina Tututi Tie pu Kekere Pule koari na Dia Tinaraovo
(Nehemaea 7:4-73)
1 Sokudi rina tie ta raovodi si taluarae koasa pinaqaha popoa pa Babiloni meke pule la pa Zerusalema pa popoa Ziuda, meke hopeke la koa koari dia vasileana soti. Sari na dia tatamana si na ta raovodi meke koa pa popoa Babiloni, sipu turaṉa lani sa baṉara Nebukaneza si arini vasina, guana tie ta pusidi. 2 Sari na dia koimata si ari Zerubabele, Zosua, Nehemaea, Seraea, Relaia, Modekae, Bilisani, Misipa, Biqivai, Rehumi, meke Bana.
Hire sari na pozadi rina hopeke butubutu tie pa Izireli, meke na ninaedi rina hopeke tututi saripu kekere pule koa sa tinaraovo:
3-20 Sari na tuna e Parosi si karua tina keke gogoto zuapa ṉavulu rua,
sari na tuna e Sepatia si ṉeta gogoto zuapa ṉavulu rua,
sari na tuna e Araha si zuapa gogoto zuapa ṉavulu lima,
sari na tuna e Pahati Moabi (Sa butubutu te Zesua meke Zoabi) si karua tina vesu gogoto manege rua,
sari na tuna e Elami si keke tina karua gogoto lima ṉavulu made,
sari na tuna e Zatu si sia gogoto made ṉavulu lima,
sari na tuna e Zakai si zuapa gogoto onomo ṉavulu puta,
sari na tuna e Bani si onomo gogoto made ṉavulu rua,
sari na tuna e Bebai si onomo gogoto hiokona ṉeta,
sari na tuna e Azaqadi si keke tina karua gogoto hiokona rua,
sari na tuna e Adonikami si onomo gogoto onomo ṉavulu onomo,
sari na tuna e Biqivai si karua tina lima ṉavulu onomo,
sari na tuna e Adini si made gogoto lima ṉavulu made,
sari na tuna e Atera pa tututi te Hezikaea si sia ṉavulu vesu,
sari na tuna e Bezai si ṉeta gogoto hiokona ṉeta,
sari na tuna e Zora si keke gogoto manege rua,
sari na tuna e Hasumi si karua gogoto hiokona ṉeta,
sari na tuna e Qibara si sia ṉavulu lima.
21-35 Sari na tinoni pu ari tiatamadia koa koari na vasileana nomadi hire si pule tugo pa tina raovo pa Babiloni:
pa Betilihema si keke gogoto hiokona ṉeta,
pa Netopa si lima ṉavulu onomo,
pa Anatoti si keke gogoto hiokona vesu,
pa Azamaveti si made ṉavulu rua,
pa Kiriati Zearimi, Kepira, meke Biaroti si zuapa gogoto made ṉavulu ṉeta,
pa Rama meke Qeba si onomo gogoto hiokona eke,
pa Mikimasi si keke gogoto hiokona rua,
pa Betolo meke Ai si karua gogoto hiokona ṉeta,
pa Nebo si lima ṉavulu rua,
pa Maqabisi si keke gogoto lima ṉavulu onomo,
koasa keke votiki Elami pule si keke tina karua gogoto lima ṉavulu made,
pa Harimi si ṉeta gogoto hiokona puta,
pa Lodi, Hadidi, meke Ono si zuapa gogoto hiokona lima,
pa Zeriko si ṉeta gogoto made ṉavulu lima,
pa Sena si ṉeta tina onomo gogoto toloṉavulu puta.
36-39 Hire sari na pozadi rina tututi hiama saripu kekere puledi koa sa tinaraovo:
sari na tuna Zedaia sa tututi te Zosua si sia gogoto zuapa ṉavulu ṉeta,
sari na tuna Ima si keke tina lima ṉavulu rua,
sari na tuna Pasahuru si keke tina karua gogoto made ṉavulu zuapa,
sari na tuna Harimi si keke tina manege zuapa,
40-42 Sari na tututi pa butubutu Livae saripu vura pule koasa tinaraovo:
Zesua meke Kedimieli pa tututi te Hodavaea si zuapa ṉavulu made,
sari na tie kerakera pa Zelepade,
sarini pu tuti gore mae koe Asapa si keke gogoto hiokona vesu,
sari na tie kopu pa Zelepade saripu tuti gore mae koe Salumu, Atera, Talamoni, Akubo, Hatita, meke Sobai si keke gogoto toloṉavulu sia.
43 Sari na tie tavetavete pa Zelepade saripu kekere pule koasa tinaraovo:
arini pu tuti gore mae koe Ziha, Hasupa, Tabaoti,
44 Kerosi, Siaha, Padoni,
45 Lebana, Haqaba, Akubo,
46 Haqaba, Salamae, Hanani,
47 Qideli, Qaha, Reaia,
48 Rezini, Nekoda, Qazamu,
49 Uza, Pasea, Besai,
50 Asina, Meunimu, Nepusimi,
51 Bakubuki, Hakupa Harahura,
52 Baziluti, Mehida, Harasa,
53 Barakosi, Sisera, Tema,
54 Nezia meke e Hatipa.
55 Sari na tie pu tuti gore mae koa rina nabulu te Solomone saripu pule koa sa tinaraovo:
sari na tuna e Sotai, Hasopereti, Peruda,
56 Zala, Darakoni, Qideli,
57 Sepatia, Hatili, Pokereti Hazabaimi, meke Ami.
58 Sa doduruna sa ninaedi rina tie pu tuti gore maedi koa rina tie tavetavete pa Zelepade meke sari na nabulu te Solomone, arini pu pule maedi koa sa tinaraovo si ari ka ṉeta gogoto sia ṉavulu rua.
59-60 Koa dia si ka onomo gogoto lima ṉavulu rua pu tuti gore mae koe Delaea, Tobaia, meke Nekoda saripu kekere pule koasa tinaraovo, arini pu koa koari na vasileana nomadi pa Tele Mela, Tele Harasa, Kerubi, Adoni, meke Ima, ba lopu boka va sosodei rini sari na tuti dia koasa butubutu Izireli.
61-62 Kaiqa rina tie pa tututi hiama si lopu boka ta dogoro sari dia tututi ta kuberedi pude va sosodea sa dia ginore mae: Ari Hobaia, Hakozi, meke e Bazilai. Keke ri kasa koasa tututi hiama te Bazilai sa hiama si haba ia sa si keke barikaleqe pa tututi te Bazilai tie pa Qileadi meke vagia sa sa pozana sa tututi tanisa roana. Sina lopu boka va sosodei rini sapu pae soto gua si arini koasa dia tuti, ke lopu tava malumu si arini pude somana pa tinavete hiama. 63 Tozi ni sa qavuna tadi na tie Ziu si arini sapu lopu kaqu somana koari na hiama pude henahena si arini koa rina ginani sapu tava vukivukihi la koe Tamasa osolae pana koa nana tu si keke hiama sapu boka nanasia sa Tamasa koari na Urimi meke na Tumimi d.* Sa hiama si tavetavete nia sa Urimi meke sa Tumimi pude vagia sa vinizavizata te Zihova. Mi tiroa Ekisidasi 28:30.
64-67 Sa ninaedi ri doduru tie ta raovodi pu ele pule mae si ari ka made ṉavulu rua tina, ṉeta gogoto onomo ṉavulu puta:
sari na nabulu koreo na vineki si ari ka zuapa tina ṉeta gogoto toloṉavulu zuapa,
sari na tie kerakera, tie na barikaleqe, si ari ka karua gogoto puta,
sari na hose si ka zuapa gogoto toloṉavulu onomo,
sari na miulu si karua gogoto made ṉavulu lima,
sari na kameli si made gogoto toloṉavulu lima,
meke sari na doṉ'ki si onomo tina zuapa gogoto hiokona puta.
68 Meke sipu kamo sari na tie ta raovodi koasa vasina tanisa Zelepade te Zihova pa Zerusalema, si kaiqa rina koimata koari na butubutu, si vala moka ni sari na vinariponi, pude toka nia sa kinuri pulena sa Zelepade koasa vasina koana. 69 Vala beto ni rini sapu gua boka ia rini koasa tinavete asa, meke sa vinarigarana sa vinariponi, si kamoa ka lima gogoto kilo mamatana sa qolo, meke karua tina vesu gogoto kilo mamatana sa siliva, meke keke gogoto poko hiama. 70 Sari na hiama, na tie Livaeti, meke kaiqa rina tie kerakera, na tie kopu Zelepade, meke sari na tie tavetavete pa Zelepade si koa koari na dia vasileana soti. Sari doduru tie Izireli pule si la koa koari na vasivasileana vasina pu mae guadi tatasana.* 1 Koron 9:2; Nehe 11:3
*2:63 Sa hiama si tavetavete nia sa Urimi meke sa Tumimi pude vagia sa vinizavizata te Zihova. Mi tiroa Ekisidasi 28:30.