120
Keke Tinepa Tinokae
(Sari na Sam 120-134 si hoke kerani rini totoso sage la pa Zerusalema si arini pude somana pa vinahesi.)
1 Pa qua tinasuna si tepa la tinokae si rau koe Zihova,
ke toka nau Sa.
2 Mu harupau Zihova,
koari na tie marikokohadi, na sekesekeidi.
3 Gamu kasa na tie marikokoha mia,
na sa si kaqu taveteni gamu Sa si gamu?
4 Kaqu ta gonae tupi ṉarudi tadi na tie varipera,
meke ta kina motete leradi si gamu!
5 Pude koa somanae koa gami, si kaleana hola nia pude koa turaṉae koari na tie pa Meseki*Sari na tie huporo kaleadi si koa pa seu pa Meseki meke Kedara.,
babe koari na tie pa Kedara.
6 Ele seunae hola koa somanae si rau
koari na tie pu kukiti nia sa binule.
7 Sipu tozi ni rau sari na tie pude koa bule,
sa vinaripera tu si hiva nia rini.