Ⅰ හේ භ්‍රාතරඃ, මාකිදනියාදේශස්ථාසු සමිතිෂු ප්‍රකාශිතෝ ය ඊශ්වරස්‍යානුග්‍රහස්තමහං යුෂ්මාන් ඥාපයාමි|
Ⅱ වස්තුතෝ බහුක්ලේශපරීක්‍ෂාසමයේ තේෂාං මහානන්දෝ(අ)තීවදීනතා ච වදාන්‍යතායාඃ ප්‍රචුරඵලම් අඵලයතාං|
Ⅲ තේ ස්වේච්ඡයා යථාශක්ති කිඤ්චාතිශක්ති දාන උද්‍යුක්තා අභවන් ඉති මයා ප්‍රමාණීක්‍රියතේ|
Ⅳ වයඤ්ච යත් පවිත්‍රලෝකේභ්‍යස්තේෂාං දානම් උපකාරාර්ථකම් අංශනඤ්ච ගෘහ්ලාමස්තද් බහුනුනයේනාස්මාන් ප්‍රාර්ථිතවන්තඃ|
Ⅴ වයං යාදෘක් ප්‍රත්‍යෛ·ක්‍ෂාමහි තාදෘග් අකෘත්වා තේ(අ)ග්‍රේ ප්‍රභවේ තතඃ පරම් ඊශ්වරස්‍යේච්ඡයාස්මභ්‍යමපි ස්වාන් න්‍යවේදයන්|
Ⅵ අතෝ හේතෝස්ත්වං යථාරබ්ධවාන් තථෛව කරින්ථිනාං මධ්‍යේ(අ)පි තද් දානග්‍රහණං සාධයේති යුෂ්මාන් අධි වයං තීතං ප්‍රාර්ථයාමහි|
Ⅶ අතෝ විශ්වාසෝ වාක්පටුතා ඥානං සර්ව්වෝත්සාහෝ (අ)ස්මාසු ප්‍රේම චෛතෛ ර්ගුණෛ ර‍්‍යූයං යථාපරාන් අතිශේධ්වේ තථෛවෛතේන ගුණේනාප්‍යතිශේධ්වං|
Ⅷ ඒතද් අහම් ආඥයා කථයාමීති නහි කින්ත්වන්‍යේෂාම් උත්සාහකාරණාද් යුෂ්මාකමපි ප්‍රේම්නඃ සාරල්‍යං පරීක්‍ෂිතුමිච්ඡතා මයෛතත් කථ්‍යතේ|
Ⅸ යූයඤ්චාස්මත්ප්‍රභෝ ර‍්‍යීශුඛ්‍රීෂ්ටස්‍යානුග්‍රහං ජානීථ යතස්තස්‍ය නිර්ධනත්වේන යූයං යද් ධනිනෝ භවථ තදර්ථං ස ධනී සන්නපි යුෂ්මත්කෘතේ නිර්ධනෝ(අ)භවත්|
Ⅹ ඒතස්මින් අහං යුෂ්මාන් ස්වවිචාරං ඥාපයාමි| ගතං සංවත්සරම් ආරභ්‍ය යූයං කේවලං කර්ම්ම කර්ත්තං තන්නහි කින්ත්විච්ඡුකතාං ප්‍රකාශයිතුමප්‍යුපාක්‍රාභ්‍යධ්වං තතෝ හේතෝ ර‍්‍යුෂ්මත්කෘතේ මම මන්ත්‍රණා භද්‍රා|
Ⅺ අතෝ (අ)ධුනා තත්කර්ම්මසාධනං යුෂ්මාභිඃ ක්‍රියතාං තේන යද්වද් ඉච්ඡුකතායාම් උත්සාහස්තද්වද් ඒකෛකස්‍ය සම්පදනුසාරේණ කර්ම්මසාධනම් අපි ජනිෂ්‍යතේ|
Ⅻ යස්මින් ඉච්ඡුකතා විද්‍යතේ තේන යන්න ධාර‍්‍ය්‍යතේ තස්මාත් සෝ(අ)නුගෘහ්‍යත ඉති නහි කින්තු යද් ධාර‍්‍ය්‍යතේ තස්මාදේව|
ⅩⅢ යත ඉතරේෂාං විරාමේණ යුෂ්මාකඤ්ච ක්ලේශේන භවිතව්‍යං තන්නහි කින්තු සමතයෛව|
ⅩⅣ වර්ත්තමානසමයේ යුෂ්මාකං ධනාධික්‍යේන තේෂාං ධනන්‍යූනතා පූරයිතව්‍යා තස්මාත් තේෂාමප්‍යාධික්‍යේන යුෂ්මාකං න්‍යූනතා පූරයිෂ්‍යතේ තේන සමතා ජනිෂ්‍යතේ|
ⅩⅤ තදේව ශාස්ත්‍රේ(අ)පි ලිඛිතම් ආස්තේ යථා, යේනාධිකං සංගෘහීතං තස්‍යාධිකං නාභවත් යේන චාල්පං සංගෘහීතං තස්‍යාල්පං නාභවත්|
ⅩⅥ යුෂ්මාකං හිතාය තීතස්‍ය මනසි ය ඊශ්වර ඉමම් උද්‍යෝගං ජනිතවාන් ස ධන්‍යෝ භවතු|
ⅩⅦ තීතෝ(අ)ස්මාකං ප්‍රාර්ථනාං ගෘහීතවාන් කිඤ්ච ස්වයම් උද්‍යුක්තඃ සන් ස්වේච්ඡයා යුෂ්මත්සමීපං ගතවාන්|
ⅩⅧ තේන සහ යෝ(අ)පර ඒකෝ භ්‍රාතාස්මාභිඃ ප්‍රේෂිතඃ සුසංවාදාත් තස්‍ය සුඛ්‍යාත්‍යා සර්ව්වාඃ සමිතයෝ ව්‍යාප්තාඃ|
ⅩⅨ ප්‍රභෝ ර්ගෞරවාය යුෂ්මාකම් ඉච්ඡුකතායෛ ච ස සමිතිභිරේතස්‍යෛ දානසේවායෛ අස්මාකං සඞ්ගිත්වේ න්‍යයෝජ්‍යත|
ⅩⅩ යතෝ යා මහෝපායනසේවාස්මාභි ර්විධීයතේ තාමධි වයං යත් කේනාපි න නින්ද්‍යාමහේ තදර්ථං යතාමහේ|
ⅩⅪ යතඃ කේවලං ප්‍රභෝඃ සාක්‍ෂාත් තන්නහි කින්තු මානවානාමපි සාක්‍ෂාත් සදාචාරං කර්ත්තුම් ආලෝචාමහේ|
ⅩⅫ තාභ්‍යාං සහාපර ඒකෝ යෝ භ්‍රාතාස්මාභිඃ ප්‍රේෂිතඃ සෝ(අ)ස්මාභි ර්බහුවිෂයේෂු බහවාරාන් පරීක්‍ෂිත උද්‍යෝගීව ප්‍රකාශිතශ්ච කින්ත්වධුනා යුෂ්මාසු දෘඪවිශ්වාසාත් තස්‍යෝත්සාහෝ බහු වවෘධේ|
ⅩⅩⅢ යදි කශ්චිත් තීතස්‍ය තත්ත්වං ජිඥාසතේ තර්හි ස මම සහභාගී යුෂ්මන්මධ්‍යේ සහකාරී ච, අපරයෝ ර්භ්‍රාත්‍රෝස්තත්ත්වං වා යදි ජිඥාසතේ තර්හි තෞ සමිතීනාං දූතෞ ඛ්‍රීෂ්ටස්‍ය ප්‍රතිබිම්බෞ චේති තේන ඥායතාං|
ⅩⅩⅣ අතෝ හේතෝඃ සමිතීනාං සමක්‍ෂං යුෂ්මත්ප්‍රේම්නෝ(අ)ස්මාකං ශ්ලාඝායාශ්ච ප්‍රාමාණ්‍යං තාන් ප්‍රති යුෂ්මාභිඃ ප්‍රකාශයිතව්‍යං|