Ⅸ
Ⅰ පවිත්‍රලෝකානාම් උපකාරාර්ථකසේවාමධි යුෂ්මාන් ප්‍රති මම ලිඛනං නිෂ්ප්‍රයෝජනං|
Ⅱ යත ආඛායාදේශස්ථා ලෝකා ගතවර්ෂම් ආරභ්‍ය තත්කාර‍්‍ය්‍ය උද්‍යතාඃ සන්තීති වාක්‍යේනාහං මාකිදනීයලෝකානාං සමීපේ යුෂ්මාකං යාම් ඉච්ඡුකතාමධි ශ්ලාඝේ තාම් අවගතෝ(අ)ස්මි යුෂ්මාකං තස්මාද් උත්සාහාච්චාපරේෂාං බහූනාම් උද්‍යෝගෝ ජාතඃ|
Ⅲ කිඤ්චෛතස්මින් යුෂ්මාන් අධ්‍යස්මාකං ශ්ලාඝා යද් අතථ්‍යා න භවේත් යූයඤ්ච මම වාක්‍යානුසාරාද් යද් උද්‍යතාස්තිෂ්ඨේත තදර්ථමේව තේ භ්‍රාතරෝ මයා ප්‍රේෂිතාඃ|
Ⅳ යස්මාත් මයා සාර්ද්ධං කෛශ්චිත් මාකිදනීයභ්‍රාතෘභිරාගත්‍ය යූයමනුද්‍යතා ඉති යදි දෘශ්‍යතේ තර්හි තස්මාද් දෘඪවිශ්වාසාද් යුෂ්මාකං ලජ්ජා ජනිෂ්‍යත ඉත්‍යස්මාභි ර්න වක්තව්‍යං කින්ත්වස්මාකමේව ලජ්ජා ජනිෂ්‍යතේ|
Ⅴ අතඃ ප්‍රාක් ප්‍රතිඥාතං යුෂ්මාකං දානං යත් සඤ්චිතං භවේත් තච්ච යද් ග්‍රාහකතායාඃ ඵලම් අභූත්වා දානශීලතායා ඒව ඵලං භවේත් තදර්ථං මමාග්‍රේ ගමනාය තත්සඤ්චයනාය ච තාන් භ්‍රාතෘන් ආදේෂ්ටුමහං ප්‍රයෝජනම් අමන්‍යේ|
Ⅵ අපරමපි ව්‍යාහරාමි කේනචිත් ක්‍ෂුද්‍රභාවේන බීජේෂූප්තේෂු ස්වල්පානි ශස්‍යානි කර්ත්තිෂ්‍යන්තේ, කිඤ්ච කේනචිද් බහුදභවේන බීජේෂූප්තේෂු බහූනි ශස්‍යානි කර්ත්තිෂ්‍යන්තේ|
Ⅶ ඒකෛකේන ස්වමනසි යථා නිශ්චීයතේ තථෛව දීයතාං කේනාපි කාතරේණ භීතේන වා න දීයතාං යත ඊශ්වරෝ හෘෂ්ටමානසේ දාතරි ප්‍රීයතේ|
Ⅷ අපරම් ඊශ්වරෝ යුෂ්මාන් ප්‍රති සර්ව්වවිධං බහුප්‍රදං ප්‍රසාදං ප්‍රකාශයිතුම් අර්හති තේන යූයං සර්ව්වවිෂයේ යථේෂ්ටං ප්‍රාප්‍ය සර්ව්වේණ සත්කර්ම්මණා බහුඵලවන්තෝ භවිෂ්‍යථ|
Ⅸ ඒතස්මින් ලිඛිතමාස්තේ, යථා, ව්‍යයතේ ස ජනෝ රායං දුර්ගතේභ්‍යෝ දදාති ච| නිත්‍යස්ථායී ච තද්ධර්ම්මඃ
Ⅹ බීජං භේජනීයම් අන්නඤ්ච වප්ත්‍රේ යේන විශ්‍රාණ්‍යතේ ස යුෂ්මභ්‍යම් අපි බීජං විශ්‍රාණ්‍ය බහුලීකරිෂ්‍යති යුෂ්මාකං ධර්ම්මඵලානි වර්ද්ධයිෂ්‍යති ච|
Ⅺ තේන සර්ව්වවිෂයේ සධනීභූතෛ ර‍්‍යුෂ්මාභිඃ සර්ව්වවිෂයේ දානශීලතායාං ප්‍රකාශිතායාම් අස්මාභිරීශ්වරස්‍ය ධන්‍යවාදඃ සාධයිෂ්‍යතේ|
Ⅻ ඒතයෝපකාරසේවයා පවිත්‍රලෝකානාම් අර්ථාභාවස්‍ය ප්‍රතීකාරෝ ජායත ඉති කේවලං නහි කින්ත්වීශ්චරස්‍ය ධන්‍යවාදෝ(අ)පි බාහුල්‍යේනෝත්පාද්‍යතේ|
ⅩⅢ යත ඒතස්මාද් උපකාරකරණාද් යුෂ්මාකං පරීක්‍ෂිතත්වං බුද්ධ්වා බහුභිඃ ඛ්‍රීෂ්ටසුසංවාදාඞ්ගීකරණේ යුෂ්මාකම් ආඥාග්‍රාහිත්වාත් තද්භාගිත්වේ ච තාන් අපරාංශ්ච ප්‍රති යුෂ්මාකං දාතෘත්වාද් ඊශ්වරස්‍ය ධන්‍යවාදඃ කාරිෂ්‍යතේ,
ⅩⅣ යුෂ්මදර්ථං ප්‍රාර්ථනාං කෘත්වා ච යුෂ්මාස්වීශ්වරස්‍ය ගරිෂ්ඨානුග්‍රහාද් යුෂ්මාසු තෛඃ ප්‍රේම කාරිෂ්‍යතේ|
ⅩⅤ අපරම් ඊශ්වරස්‍යානිර්ව්වචනීයදානාත් ස ධන්‍යෝ භූයාත්|