Ⅴ
Ⅰ හේ ධනවන්තඃ, යූයම් ඉදානීං ශෘණුත යුෂ්මාභිරාගමිෂ්‍යත්ක්ලේශහේතෝඃ ක්‍රන්ද්‍යතාං විලප්‍යතාඤ්ච|
Ⅱ යුෂ්මාකං ද්‍රවිණං ජීර්ණං කීටභුක්තාඃ සුචේලකාඃ|
Ⅲ කනකං රජතඤ්චාපි විකෘතිං ප්‍රගමිෂ්‍යති, තත්කලඞ්කශ්ච යුෂ්මාකං පාපං ප්‍රමාණයිෂ්‍යති, හුතාශවච්ච යුෂ්මාකං පිශිතං ඛාදයිෂ්‍යති| ඉත්ථම් අන්තිමඝස්‍රේෂු යුෂ්මාභිඃ සඤ්චිතං ධනං|
Ⅳ පශ්‍යත යෛඃ කෘෂීවලෛ ර‍්‍යුෂ්මාකං ශස්‍යානි ඡින්නානි තේභ්‍යෝ යුෂ්මාභි ර‍්‍යද් වේතනං ඡින්නං තද් උච්චෛ ර්ධ්වනිං කරෝති තේෂාං ශස්‍යච්ඡේදකානාම් ආර්ත්තරාවඃ සේනාපතේඃ පරමේශ්වරස්‍ය කර්ණකුහරං ප්‍රවිෂ්ටඃ|
Ⅴ යූයං පෘථිව්‍යාං සුඛභෝගං කාමුකතාඤ්චාරිතවන්තඃ, මහාභෝජස්‍ය දින ඉව නිජාන්තඃකරණානි පරිතර්පිතවන්තශ්ච|
Ⅵ අපරඤ්ච යුෂ්මාභි ර්ධාර්ම්මිකස්‍ය දණ්ඩාඥා හත්‍යා චාකාරි තථාපි ස යුෂ්මාන් න ප්‍රතිරුද්ධවාන්|
Ⅶ හේ භ්‍රාතරඃ, යූයං ප්‍රභෝරාගමනං යාවද් ධෛර‍්‍ය්‍යමාලම්බධ්වං| පශ්‍යත කෘෂිවලෝ භූමේ ර්බහුමූල්‍යං ඵලං ප්‍රතීක්‍ෂමාණෝ යාවත් ප්‍රථමම් අන්තිමඤ්ච වෘෂ්ටිජලං න ප්‍රාප්නෝති තාවද් ධෛර‍්‍ය්‍යම් ආලම්බතේ|
Ⅷ යූයමපි ධෛර‍්‍ය්‍යමාලම්බ්‍ය ස්වාන්තඃකරණානි ස්ථිරීකුරුත, යතඃ ප්‍රභෝරුපස්ථිතිඃ සමීපවර්ත්තින්‍යභවත්|
Ⅸ හේ භ්‍රාතරඃ, යූයං යද් දණ්ඩ්‍යා න භවේත තදර්ථං පරස්පරං න ග්ලායත, පශ්‍යත විචාරයිතා ද්වාරසමීපේ තිෂ්ඨති|
Ⅹ හේ මම භ්‍රාතරඃ, යේ භවිෂ්‍යද්වාදිනඃ ප්‍රභෝ ර්නාම්නා භාෂිතවන්තස්තාන් යූයං දුඃඛසහනස්‍ය ධෛර‍්‍ය්‍යස්‍ය ච දෘෂ්ටාන්තාන් ජානීත|
Ⅺ පශ්‍යත ධෛර‍්‍ය්‍යශීලා අස්මාභි ර්ධන්‍යා උච්‍යන්තේ| ආයූබෝ ධෛර‍්‍ය්‍යං යුෂ්මාභිරශ්‍රාවි ප්‍රභෝඃ පරිණාමශ්චාදර්ශි යතඃ ප්‍රභු ර්බහුකෘපඃ සකරුණශ්චාස්ති|
Ⅻ හේ භ්‍රාතරඃ විශේෂත ඉදං වදාමි ස්වර්ගස්‍ය වා පෘථිව්‍යා වාන්‍යවස්තුනෝ නාම ගෘහීත්වා යුෂ්මාභිඃ කෝ(අ)පි ශපථෝ න ක්‍රියතාං, කින්තු යථා දණ්ඩ්‍යා න භවත තදර්ථං යුෂ්මාකං තථෛව තන්නහි චේතිවාක්‍යං යථේෂ්ටං භවතු|
ⅩⅢ යුෂ්මාකං කශ්චිද් දුඃඛී භවති? ස ප්‍රාර්ථනාං කරෝතු| කශ්චිද් වානන්දිතෝ භවති? ස ගීතං ගායතු|
ⅩⅣ යුෂ්මාකං කශ්චිත් පීඩිතෝ (අ)ස්ති? ස සමිතේඃ ප්‍රාචීනාන් ආහ්වාතු තේ ච පභෝ ර්නාම්නා තං තෛලේනාභිෂිච්‍ය තස්‍ය කෘතේ ප්‍රාර්ථනාං කුර්ව්වන්තු|
ⅩⅤ තස්මාද් විශ්වාසජාතප්‍රාර්ථනයා ස රෝගී රක්‍ෂාං යාස්‍යති ප්‍රභුශ්ච තම් උත්ථාපයිෂ්‍යති යදි ච කෘතපාපෝ භවේත් තර්හි ස තං ක්‍ෂමිෂ්‍යතේ|
ⅩⅥ යූයං පරස්පරම් අපරාධාන් අඞ්ගීකුරුධ්වම් ආරෝග්‍යප්‍රාප්ත්‍යර්ථඤ්චෛකජනෝ (අ)න්‍යස්‍ය කෘතේ ප්‍රාර්ථනාං කරෝතු ධාර්ම්මිකස්‍ය සයත්නා ප්‍රාර්ථනා බහුශක්තිවිශිෂ්ටා භවති|
ⅩⅦ ය ඒලියෝ වයමිව සුඛදුඃඛභෝගී මර්ත්ත්‍ය ආසීත් ස ප්‍රාර්ථනයානාවෘෂ්ටිං යාචිතවාන් තේන දේශේ සාර්ද්ධවත්සරත්‍රයං යාවද් වෘෂ්ටි ර්න බභූව|
ⅩⅧ පශ්චාත් තේන පුනඃ ප්‍රාර්ථනායාං කෘතායාම් ආකාශස්තෝයාන්‍යවර්ෂීත් පෘථිවී ච ස්වඵලානි ප්‍රාරෝහයත්|
ⅩⅨ හේ භ්‍රාතරඃ, යුෂ්මාකං කස්මිංශ්චිත් සත්‍යමතාද් භ්‍රෂ්ටේ යදි කශ්චිත් තං පරාවර්ත්තයති
ⅩⅩ තර්හි යෝ ජනඃ පාපිනං විපථභ්‍රමණාත් පරාවර්ත්තයති ස තස්‍යාත්මානං මෘත්‍යුත උද්ධරිෂ්‍යති බහුපාපාන්‍යාවරිෂ්‍යති චේති ජානාතු|