Abadantaa ra ay ga duu nongu kaŋ ra ay gʼay boŋ talfi.

Taka foo nda war ga hin ka nee ya ne:

«Koy tondi hondoo ra sanda ciraw?»

2 Guna, boro laaley ga ngi birawey cendi,

i ga ngi biraw-izey sawandi nda karfoo,

ka borey kaŋ biney ga šerre neeši kʼi kar kubaa ra.

3 Nda hayey kaŋ ga aduɲɲa ga kay hasara,

macin no boro laadirantaa gʼa tee?

4 Abadantaa goo nga hugu henanantaa ra,

Abadantaa kokoy gorodogoo goo beenaa ra,

moɲey ga honnay,

moɲey goo adamizey ga.

5 Abadantaa ga boro šerrantaa sii,

amma a ga konna ilaalaa kaŋ ga baa goy futu.

6 A ga denji, nda nuune, nda ganjibaali

kaŋandi sanda ncirɲi boro laaley boŋ,

ngi bagaa manʼti kala hew konna.

7 Zama Abadantaa ga šerre,

a ga baa haya kaŋ teendi nda šerretaray,

boro šerrantey no ma dii nga ndumoo.