Abadantaa, may no ma hin ka waati tee ni hukkumoo ra?

May no ma hin ka goro ni tondi hondu henanantaa boŋ?

2 Kala boraa ma tee boro kaŋ nga dira takaa ga henan,

a ga goy nda šerretaray, a ga cimoo har kaŋ goo binoo ra.

3 A si nga deenoo ka nga borey maaɲey futandi,

a si nga cinawey dor,

a si nga borey wow.

4 A si baa boro kaŋ Irkoy nʼa fur,

a ga borey beerandi kaŋ ga hunbur Abadantaa,

ba nda a žee haya ga kaŋ si boori a se, a gʼa tee.

5 A si nooru garaw boro se ka albaha ceeci a ga,

a si sufuray taa ka daŋ boro ga kaŋ mana haya kul tee.

Boro kaŋ ga dira nda takaa woo si kaŋ hala abada.