Ay hallasi ay Koyoo, ni ga ay ga talfi.

2 Ay nee Abadantaa se: «Ni ti ay Koyoo,

ni ti ay gomnoo, haya kul sii ma ne beene!»

3 Irkoy boro henanantey kaŋ goo gandaa ra,

ngi ti boro alkadarantey, ngi ti ay ɲaaloo.

4 Borey kaŋ ga hanga koy tana mma tonton ngi zaraboo ga,

kuri sargarey kaŋ i gʼi kaa, ay sʼi kaa,

ay si maaɲey cee ay deene boŋoo ga.

5 Abadantaa ti ay tuboo, nga ti potoo kaŋ nda ay ga haŋ,

ay hunaroo sii kala ni kaboo ra.

6 Bagaa kaŋ nʼgʼa noo ya ne ga boori,

tubuhaya boryoo no ya ne.

7 Ay ga albarka tee Abadantaa se kaŋ gʼay hoyray,

ba cijin here ay binoo ga šelaŋ ya ne.

8 Waati kul ay ga Abadantaa guna ay jine,

nda a goo ay kabe gumaa ga, ay si zinji.

9 Woo se ay binoo ga ɲaali, ay hundoo ga yafarhã,

ba ay gaahamoo goo baani ra.

10 Zama nʼsʼay hundoo naŋ alaahara se,

nʼsi naŋ ni boro henanantaa ma funbu saaraa ra.

11 Nʼga hunaroo fondaa bayrandi ya ne,

boro ga duu ɲaali beeri ni jine,

ni kabe gumaa ga gomni abadanteyaŋ ga bara.