52
Irkoy, ni ga ay ga kabu
1 Donkey boŋkoynoo ka woo don. Woo ti Dawda bayti dooni foo. 2 Dawda ka doonoo woo don waatoo kaŋ Edom boraa Doyeg kaa ka nee Sawul se kaŋ Dawda koy Ahimelek do.
3 Ni, wongaari, macin se nʼga fooma nda ifutu?
Irkoy borohennataraa goo no zaaroo kul.
4 Ni deenoo si haya kul caara kala halaciyan,
sanda šiini mee kaana, zanbante.
5 Ni baa ifutu ka bisa ihenna,
ni baa taari ka bisa cimi.
Kay-kayna
6 Halaci šenni de no ma kan ma ne,
deene zanbantaa!
7 Woo se Irkoy ga ni halaci hala abada,
a ga ni kaŋandi ka ni kaa ni hugoo ra,
a ga ni dogu ka ni kaa hundikoyney laboo ga.
Kay-kayna
8 Boro šerrantey ga dii a, i ga hunbur,
i ga haaru a ra ka nee:
9 «Boraa ne kaŋ mana Irkoy tee nongoo kaŋ ra a ga tugu,
boraa kaŋ mana nga boŋ wakkal kala alman ga,
a hongu kaŋ goy futawey no ma kay nga se!»
10 Agay, ay ga hima nda zaytuɲaa firzi
kaŋ goo Irkoy hugoo ra.
Ay gʼay naanaa daŋ Irkoy borohennataraa ra waati kul hala abada.
11 Hayey kaŋ nʼnʼi tee maaganda se ay ga ni saabu hala abada,
ay ga tammahã ni maaɲoo ga, zama nʼga boori ni ganakey se*52.11 ay ga tammahã ni maaɲoo ga, zama nʼga boori ni ganakey se, Ebere šenni ra, almaganaa faa ti ay ga tammahã ni maaɲoo ga ni ganakey jine, zama nʼga boori..
*52:11 52.11 ay ga tammahã ni maaɲoo ga, zama nʼga boori ni ganakey se, Ebere šenni ra, almaganaa faa ti ay ga tammahã ni maaɲoo ga ni ganakey jine, zama nʼga boori.