1 Aleluya!

Abadantaa tamey, wʼa saabu,

wa Abadantaa maaɲoo saabu!

2 Albarka ma bara Abadantaa maaɲoo ga

za sohõ da hala abada!

3 Waynaa fattaroo ga hala ka koy nga kaŋyanoo ga,

yala Abadantaa maaɲoo ma saabandi!

4 Abadantaa goo dumey kul boŋ beene,

nga daržaa goo beenaa se beene.

5 May no ma hima Abadantaa, ir Koyoo?

A si goro kala beene beene.

6 A ga gunguma ka

beenaa nda laboo guna.

7 A ga yalaafantaa kaa kusaa ra,

a ga talkaa kaa žiiboo ra,

8 kʼi gorandi boŋkoyney bande,

nga jamaa boŋkoyney bande.

9 A ga woy gunoo noo alaayan,

sanda ɲaa kaŋ ga ɲaali nga izey game.

Aleluya!