1 Waatoo kaŋ Izirayel borey fatta Misira,

waatoo kaŋ Yakuba hugoo borey fatta meeberawey game,

2 Žuda tee nga nongu henanantaa,

Izirayel tee nga kokoytaraa.

3 Teekoo dii a, a zuru,

Žurdeŋ isaa yee banda.

4 Tondi hondey ga sar-sar sanda gaaruyaŋ,

hondey ga sar-sar sanda alman buuna.

5 Macin ka duu ni, teekoo, kaŋ se ni zuru?

Macin ka duu ni, Žurdeŋ isaa, kaŋ se ni yee banda?

6 Tondi hondey, macin ka duu war kaŋ se

war ga sar-sar sanda gaaruyaŋ?

Hondey, macin ka duu war kaŋ se

war ga sar-sar sanda alman buuna?

7 Laboo, jijiri ir Koyoo jine!

Laboo, jijiri Yakuba Koyoo jine

8 kaŋ ga tondidoo bere kʼa tee hari kaydoo,

ka tondi tee hari dandidoo.