1 Babiloŋ isawey miɲey ga ir goo,

waatoo kaŋ ir hongu Siyoŋ koyraa,

ir mma goro no din ir ga hẽe.

2 Koyraa gundoo ra ir nʼir kuntijey deeji tuuri buuney ga.

3 Zama no din ra, borey kaŋ koy nda ir tamtaray nee

kaŋ ir ma dooni don ngi se.

Ir torrokey nee ir ma ɲaali, i nee:

«Wa Siyoŋ dooni don ir se!»

4 Taka foo nda ir ga Abadantaa dooni don

labu waani ga?

5 Žerizalem, nda ay dirɲa ni,

yala ay kabe gumaa ma dirɲa agay!

6 Yala ay deenoo ma denji ay dankaa ga

nda ay mana honga ni,

nda ay mana Žerizalem daŋ ay ɲaaloo kul boŋ.

7 Abadantaa, honga Edom borey,

kaŋ Žerizalem zaaroo hane i nee:

«Wʼa tuusu, wʼa tuusu hala asaasoo ga.»

8 Woy-izoo kaŋ ti Babiloŋ, ni kaŋ ga kaa ka halacandi,

goy futaa kaŋ nʼnʼa tee ir se,

boraa duu gomni kaŋ ga nga cine tee ma ne.

9 Boraa duu gomni kaŋ ga ni izey zaa kʼi tutubu tondi ga.