2 Nkola nakaz’ikuza Nyakasane ngasi mango, irenge lyâge lirhakantenga ekanwa.

3 Omurhima gwâni guje irenge muli Nyakasane, abanyi bayumve nabo basîme.

4 Mungwâse rhukuze Nyakasane, rhunagwâsanye izîno lyâge rhulihire enyanya.

5 Najîre aho nalongereza Nyakasane naye anyumvîrhiza, anankûla ebihamba byoshi emurhima.

6 Murhang’imulolakwo ninyu mushagaluke, n’enshonyi zimurhenge omu masù.

7 Lâba oku ow’obuligo ashuba ayâkûza, na Nyakasane ayumva amurhenza omu buligo.

8 Malahika wa Nyakasane anagwîsire ecirâlo aha burhambi bw’abayôboha Nyakasane, kulikûza anabalikûza.

9 Labuli mwabona oku Nyakasane abà mwinjà, iragi lyâge omuntu omuyâkiraho 10 Mukazirhînya Nyakasane, mwe Batagatîfu bâge, bulyâl’abamukenga barhabulirwa na bici.

11 Abàli bagale bashubire ba buligo banakena, abashîbirira Nyakasane bôhe barhabulirwa na bici.

12 Bâmina, yishi muyumve, yishi mmuyigîrize okukenga Nyakasane.

13 Ndi olyâla orhonya akalamo? Ndi olyâla walonza ensiku lyo ahika oku binjà?

14 Ocîke olulimi lwâwe oku bubî, ocinge akanwa kâwe oku nderho z’obulyâlya. 15 Oyâke amabî ojire aminjà, olonze omurhûla onagukulikire.

16 Isù lya Nyakasane lirharhenga oku bashinganyanya, n’amarhwîri gâge gayôrha gali marhege galinga omulenge gwâbo.

17 Obusù bwa Nyakasane burhabà oku nkola-maligo, azizàze hano igulu ntâye ocizikengêrage.

18 Abashinganyanya bôhe bajà aho bayâkûza Nyakasane, naye abayumvirhiza anabakûla omu buhanya balimwo.

19 Nyakasane arhabà kuli n’emirhima eri burhè, emirhima ecîyunjuzize yo acungula.

20 Amahanya galuga oku muntu mushinganyanya, ci kwône Nyakasane anakaz’imulîkûza kuli go goshi.

21 Orhuvuha rhwâge rhwoshi kulanga arhulanga harhâvunikè ciru n’akaguma.

22 Omubî bubî bwâge bumuyîrha, n’oshomba omushinganyanya kuhanwa anahanwa.

23 Nyakasane yêne olîkûza abamushiga, na ntà buhane oku muntu oyâkira hali ye.