Nnâmahanga, we ncîtakîra, orhahulike, orhahulike,

2 bulyâla bankâyîrekwo ebinwa by’obulyâlya.

3 bambwîzire akanwa k’obunywesi, banzihula ebinwa by’obushombanyi, bananshimbulula buzira igwârhiro.

4 Oku niehe ndi wa buzigire, bôhe babà kushobeka banshobeka, omu kubona ntyo nagwira nasalira.

5 Oku minjà mbajirira bôhe bangalulira amabî, n’oku buzigire bwâni kuli bo, bôhe bangalulira enshombo.

6 Orhangimunîkakwo omusirhe, n’omubisha arhangimuyimanga aha burhambi.

7 Irhondo âkaja lubanja, lurhahambûlaga, n’okusamba kwâge kushube kuyâga.

8 Ensiku zâge bazitwemwo, owundi ayîme omu byâge.

9 Abagala bashube nfûzi, na mukâge ashube mukana.

10 Abagala ntâye obayûbakiraga, bahabuke bajè bahulahula, bahulusibwe ciru n’omu bigûkà by’enyumpa zâbo.

11 Oyu àlire omwenda amucêse buroha, n’owagera amunyâge ehi àli acîbîkîre.

12 Arhabonaga cafira bwonjo, n’enfûzi zâge zirhafàga zâbuganyire omuzîre w’olukogo.

13 Iburha lyâge lihwêre okw’itumu, n’izîno lyâge lihirigirhe oku mwîmo murhanzi. 14 Nyakasane âkengêre obubî bwa bashakulu wâge, n’ecâha ca nnina cirhazâzibagwa.

15 Biyôrhe bikengêrwa na Nyakasane, anamuzazc hano igulu, irhondo ntâye ocimukengêraga.

16 Yêhe arhadesiri mpu abè lukogo, ci agwîra ayâbula omukenyi muhanya, olyâla oli bufà n’omutula mpu amuholêreze.

17 Obwôla asîmire okuhehêrerwa, ahehêrerwe, n’obwôla arhalonza mugisho, gumurhengekwo.

18 Obuhanya bumubwîke nka mushangi, bumuje omu nda nka mîshi, bumuje omu njingo nka mavurha.

19 Bumuzonge nka gwo mushangi acîbwîka, nka gwo mukaba ayôrha ayambala.

20 Abagendikanshobeka n’abanderhcra ebirhali byo, Nyakasane abahè olwo luhembo.

21 Wêhe, Yâgirwa Nnâmahanga, ondwîrekwo erhi izîno lyâwe lirhuma, onandîkûze bulyâla olukogo lwâwe buzigire.

22 Obwîne oku ndi mukenyi nnampanyagîre, n’omurhima gwanfundîre omu nda.

23 Nahwîre nka cihôho ca mafuluko, nazûzûrhîre nka luzige empûsi ehunisire.

24 Nkola ndwîrhe nakomanya amadwî erhi kucîshalisa kurhuma, n’omubiri gwâni gwahosire erhi kubula mavurha kurhuma.

25 Nakwâmirwe nanashekerwa narhama, abadwîrhe bambona irhwe badwîrhe badunda.

26 Ontabâle, Yâgirwa Nnâmahanga, ondîkûze wêne oku lukogo lwâwe,

27 babone oku lukogo lwâwe lukozire ebyo, oku wêne we oncizize, Yâgirwa Nyakasane.

28 Bampehêrere ci wêhe ongishe, àbanshimbire baturutumbe, mwambali wâwe yêhe acishinge.

29 Abakaz’indega enshonyî zibabumbe; okurumbaguza kwâbo kubabwîke nka cirondo.

30 Niehe nayimbira Nyakasane n’akanwa kâni, namukuza omu karhî k’engabo y’abantu:

31 Bulyâla anayîmangire omukenyi, mpu lyo amulîkûza omu bazûzi.