1 Omuntu ojira ntyo arhakagala, n’ogaya ehinyi agwêrhe, bukenyi ahingira. 2 amamvu n’abakazi b’ebishungu byo bihûsa abalume omurhima, n’omwîra w’embaraga arhabâ nshonyi*19, 2 Omu kukulikira La Bible de Jérusalem, otremolet.free.fr, rhukûzire emilongo yalijire yashubîrirwa kabiri n’okuleka emihenge y’olukere lukûlisirwe kuli milongo miguma miguma omu mandiko g’ecigereki garhenga muli LXX . 3 Oyo muntu guli munyama gw’ebigûku n’emivunyu, n’ecirala cirhafuma aho.

4 Oyêmêra dudaduba erhi wa murhima mwangu, n’ojira ecâha yêne ocîkolera amabî. 5 Osîma amabî ayishihanwa. 6 Orhakwîrirwa kalimi afuma lunji. 7 Omwanzi gwa bene orhagubwîraga owundi, ntâye wakushombera okwo. 8 Gwa bene orhagubwîra ndi: oli omwîra wâwe, oli omushombanyi wâwe, nkaba libè irhegeko emund’oli ly’okuderha. 9 Bânakurhega amarhwîri, bâkukemerane, buzinda bakushombe. 10 Ka bakubwîzire omwanzi? Ocibêre nshinda. Yaah! Orhabashe! 11 Mwanzi musungunu baguhè omwêrûzi, gumuheke nka mukazi wabiga-bigwa n’emikero mibishi. 12 Omwanzi babwîra ecinganyi, guli nka mwampi bamulashire omu cibero.

13 J’emw’omwîra wâwe: kwankanabà ntâko anajizire, n’akabà hali oku anajijire, arhacishubirire. 14 J’emw’omulungu wâwe, kwankanabà ntâkwo anadesire, n’akabà hali oku anadesire, arhacikuderhe. 15 Ja wêne emw’omwîra wâwe: bulya abantu barhahimwa kunywerha, orhayêmêrezagya ngasi coshi bakubwîzire. 16 Kanji olulimi lufuma omuntu n’obwo arhakulonzagya, ndi akanwa karhasâgifuma? 17 Genda oshambâze mulungu wâwe embere omujise lubanja, kulikira amarhegeko g’Ow’Enyanya orhajira burhè. 18 Amarhegeko ga Nyamuzinda gwo gubà murhwe gw’olukogo lwâge, n’obushinganyanya buyunguka obuzigire bwâge. 19 Okumanya amarhegeko ga Nyamuzinda†19, 19 Okashimba amarhegeko gâge wâbà n’olukogo lwâge, n’obushinganyanya bwâwe bwâkulêrhera obuzigire bwâge. n’okugakulikira yo njira y’a­kalamo, abajira ebimusîmîsa banahumbûle oku murhi gw’obuzîne bw’ensiku n’amango.

20 Ngasi burhimanya kubà kurhînya Nyamuzinda, na ngasi burhimanya bubâmo okuyûkiriza irhegeko n’okumanya obuhashe bwâge. 21 Omushizi obwîra nnawâbo erhi: «Ntâjire ehi walonza», ciru ankahijira buzinda, kugayîsa agayîsa omuhà eci alya. 22 Okumanya amabî burhaba burhimanya, n’ihano ly’abanya-byâha burhaba bwîrhonzi. 23 Hali obulenga burhali bwo, musirhe, omuntu orhajira burhimanya. 24 Owabà na bwenge bunyi akanarhînya Nyamuzinda, ye mukulu aha mwenge-mwenge wavuna irhegeko. 25 Hali obulungu bw’obulyâlya, hali abanywerha mpu lyo babona eci balonza. 26 Hali abantu bagenda bajonjoboka n’omungo, n’obwo kwa bwengûza. 27 Obone akube igosi, abè nka wa bihuli, ye na murhanzikola amaligo hano abona obulyo. 28 Hali onunirwa n’obuzamha bw’okujira ecâha, hano abona akasanzi k’okucîjira erhi na yêshi oyo. 29 Ebusù omuntu amanyirwa, omuntu nkana abonekana emalanga. 30 Myambalo y’omuntu emanyîsa omukolo gwâge, n’olugendo lwâge luyêrekane al muntu muci‡19, 30 Rhwamâyimangira oku milongo 30 eri omu Ebibliya Ntagatîfu, Verbum Bible, Kinshasa, 1992, n’obwo LXX ahisire oku milongo 35.