1 Nyamuzinda arhôlamwo Yakôbo omuntu nkana, musimwa emwa boshi, murhonyi wâge n’ow’abantu, ye Mûsa, mukengêre-okengêrerwa-omugisho. 2 Amuhà irenge liyumânîne n’ery’abatagatîfu, amuhà obuhashe bw’okujugumya abashombanyi. 3 Oku cinwa ca Mûsa, Nyamuzinda ayimanza ebirhangâzo*45, 3 Birhanâzo embere z’abâmi, lolà Lub 8, 8; 9, 33… oku irenge lyâge: lolà Lub 19, 1; 33, 20., amukuza e­mbêre z’abâmi, amuhà amarhegeko oku lubaga lwâge, abà nk’a­muyêreka oku irenge lyâge. 4 Omu bwemêzi n’omu butûdu amuyinjihya, acîshoga-ye ekarhî k’abazîne boshi; 5 amuyumvîsa izù lyâge, amuhêka omu bitù, amuhira embere zâge, amuhà amarhegeko, irhegeko lya kalamo n’obukengêre, ga kuyigîriza Yakôbo endagâno, ga kuyêreka Israheli enjira.

6 Azûsa Aroni, Mutagatîfu aka Mûsa, mwene wâbo, w’oku mulala gwa Levi. 7 Afundika haguma naye endagâno y’ensiku zoshi, amuhà obudâhwa bw’olubaga. Amujira w’iragi omu myambalo yâge, amubwîka omwambalo gw’irenge†45, 7 Mwambalo gw’irenge: Lolà Lub 28.. 8 Amuhondakwo irenge linene, amuyarnbika ecinya-bugale, emyambalo y’omu ndalâlà, ecirondo c’oku nyanya n’omuroha. 9 Emyambalo yâge ayihirakwo amashondo, n’enzege z’amasholo, nyinjà bwenêne eburharnbi n’obundi: oku agenda zajegera, baziyumve omu ka-Nyamuzinda, kantu olubaga lwakâmukengêrerakwo‡45, 9 Lwâkâmukngêrerakwo: kukengêra oku lebè ayôrhaga, oku ayambalaga.. 10 Amuyambika omwambalo gw’amasholo gw’ecirhînyiro, gwa mukara na mudukula, bushanja bwa mulenga; amuhà ecimanyîso c’ekagombe, Urimu na Tumimu§45, 10 Urimu na Tumimu: lolà Lub 28, 6; 1 Sam 14., cidukula, kandi bushanja bwa mulenga. 11 Amuhà olunigi lwinjinja lw’enjurna ziyandisirweko n’akali nka kashè, zinarhunzirwe -oku mugozi gw’amasholo, mukolo gwa murhunzi mulenga, mpu ebè nkumbu, haguma n’amandiko mabinje, nk’oku emilala y’Israheli enali. 12 Amuhà ishungwè ly’amasholo mpu akâliyambalira oku citambara bunya-nsirha, baliyandisirekwo oku ali mwîshogwa wa Nyamuzinda, mandiko ga bulenga, mukolo mukornbêre: busîme oku masù eyo myambalo yoshi. 13 Embere zâge barhalisâgibona ebyo bundi, na ntà mango ôw’embuga abiyambirhe: bâna bâge bône n’omulala gwâge ensiku zoshi. 14 Enterekêro zâge z’okusingônoka lwoshi, kabiri omu lusiku amango goshi. 15 Mûsa ye wamuyambikaga akashala k’omwîshogwa*45, 15 Omwîshogwa: lolà Lev 8, 1-13; Obukù: kantu kabaya bwinjà, marashi., anamushîga amavurha matagatîfu, Yâbà ndagâno y’ensiku n’amango kuli ye n’oku bûko bwâge amango amalunga ganacihabà, mpu akulire abarherekêzi, akole omukolo gw’obudâhwa, agishe n’olubaga oku izîno lya Nyakasane. 16 Nyamuzinda acîshoga ye ekarhî k’abazîne boshi, mpu abè murherekêzi wa Nyakasane, atûmbûse enshangi n’obukù bw’akakengêro, arherekêre enterekêro y’olubôle†45, 16 Kuzimiza, kufungira, kubwîra olubaga mpu luciyunjuze, lolà Lev 16, 1. oku byâha by’olubaga. 17 Amuhà amarhegeko gâge, amubwîra na kurhi gashimbwa, mpu ayigîrize Yakôbo eyo njira, anarnolekere Israheli omu biyêrekîre irhegeko lya Nyakasane. 18 Ebigolo byanaciyisha, byamujira ihinzi‡45, 18 Ihinzi: ihano abantu bayumvinyemwo mpu bajire kulebe, kwinjà erhi kubî., bayâgalwa naye omu irungu, omurhwe gwa Datani na Abirami, n’ogwa Korè, ba bumvu na ba ntambala. 19 Lêro Nyamuzinda ababona, akunira, obukunizi bwâge bwabahungumula. Abahirakwo ebirhangâzo, bahungumuka n’engulumira§45, 19 Ngulumira: lolà Mib 16, 1; 17, 15. y’omuliro gwâge. 20 Ayûshûla irenge lya Aroni, omuhà omwanya, amushobôza okurhûlwa omwâka muhyâhya*45, 20 Mirhangisârûlwa: busârûlle burhanzi, emyâka erhangiyêra, lolà Mib 18, 12-13., burhanzi omugati gwakayîgusa. 21 Enterekêro Nyamuzinda arherekêrwa byo biryo balya, yêne wamuhâga eco cikono aha n’obûko bwâge†45, 21 Obûko bwâge: lolà Lub 29, 28.. 22 Ci omu cihugo arhajiramwo lyâge ishwa, arhajira gwâge mwanya omu lubaga, Nyamuzinda yêne ye mwanya gwâge.

23 Pinâsi naye, mwene Eleyazari, ye wa kasharhu oku irenge, bulya ayêrekîne obushiru bw’okurhînya Nyamuzinda, asimika n’obu­rhwàli embere z’olubaga n’obwo lwamâgoma‡45, 23 Lwamâgoma: lolà Mib 25, 7., Israheli ababalirwa erhi ye rhuma. 24 Endagâno y’omurhûla yafundikwa naye, yamujira mukulu w’Ecirhinyiro ca Nyamuzinda n’ow’olubaga, na ntyo ye bo n’iburha lyâge, bàgwêrhe ecikono c’omudâhwa mukulu w’ensiku n’amango. 25 Hàbîre endagâno haguma na Daudi, mwene Yese, w’oku mulala gwa Yûda, mwîmo gwa bwâmi; yêne omu bâna îshe aburha, ayambala akashambala. Aroni yêhe, akashambala kâge kali k’obûko bwâge bwoshi. 26 Mâshi, Nyamuzinda ajire mubè barhimanya, murhegeke n’obushinganyanya olubaga lwâge, lyo amalume ga bashakulûza galek’ihera, lyo n’abâna bâbo bakaziyôrha bayambîrhe akashambala k’irenge lya bîshe.