1 Ali ntwâli omu matabâro*46, 1 Matabâro: matumu, birha, kulwa. Izîno limukwânîne: Yozwè erhi Yezu; kwo kuderha: Nyamuzinda kuciza aciza: ye Muciza, Côkola., Yozwè, mwene Nûni, mukula wa Mûsa omu mukolo gw’okulêba, izîno lyanamukwânana, acîyêrekana mukulu wa kuciza abîshogwa, ahana abashombanyi bagoma, adêkereza Israheli omu cihugo câge. 2 Nêci, yàli ntwâli, erhi wakamubwîne amaboko enyanya, engôrho omu nfune, ajirhêra ebishagala by’ababisha! 3 Muntu ndi, embere zâge, wahisire aho oku burhwâli? Yêne àshokolera abalwî b’amatumu ga Nyamuzinda. 4 Kali ye wabwîraga izûba mpu liyimange†46, 4 Liyimange: lolà Yoz 10, 13.: omulegerege muguma yâbà ibiri? 5 Ashenga Nyamuzinda, erhi akol’aminisire abashombanyi hingolengole enyunda zoshi, Nyamuzinda ayumva omusengero gwâge, aniêsa enkuba y’olubula okurhasâgiboneka. 6 Arhibukira oku ngabo y’abashombanyi, abaminikakwo akabayirhira oku mwandagalo: ayêreka amashanja oku amatumu gâge garhajîbwa omu irhwe, mpu lyo bamanya oku Nyamuzinda badwîrhe ba­lwîsa.

7 Bulya àli muntu wa Nyamuzinda, mîra, amango ga Mûsa, ayêrekana obushiru bw’omurhima nkana, bona Kalebu, mwene Yefunè, go mango bahagalikaga omwandu gw’abantu, bahanza olubaga okujira ecâha, bahulisa n’okucîduduma‡46, 7 Okucîduduma kubî: lolà Mib 14, 6-10. kubî. 8 Bombi bône barhahumagwakwo, ekarhî ka bihumbi magana ndarhu ga balwî, mpu bahike oku kashambala, omu cihugo cihuluza amarhà n’obûci. 9 Nyamuzinda aha Kalebu emisî, n’eyo misî ayiyôrhana kuhika ebushosi, amusôsa oku ntondo ziri omu cihugo, ko kàbîre kashambala abâna bâge bayimiremo buno, 10 mpu ly’Israheli yêshi abona oku nêci, kunali kwinjà okukulikira Nyamuzinda.

11 Abacîranuzi, ngasi muguma nk’oku anahamagîrwe, balya boshi baàrhagomaga murhima, barhacîhinduliraga Nyamuzinda, okubakengêra gubè mugisho. 12 Amavuha gâbo gazibuhe ekuzimu, amazîno gâbo galame, abo bany’irenge bagashânize abâna bâbo.

13 Samweli§46, 13 Samweli: lolà 1 Sam 10, 1… 16.13. arhona bwenêne emwa Nyamuzinda, ashuba mulêbi wa Nyamuzinda, anayimânika obwâmi, ashîga abâmi b’ecihugo amavurha. 14 Akâtwa emmanja z’endêko omu kukulikira amarhegeko ga Nyamuzinda, na ntyo Nyamuzinda abà haguma na Yakôbo. 15 Omu bwemêzi bwâge, abonekana oku anali mulêbi, omu nderho zâge, acîmanyisa oku ye nyamuderha kubà. 16 Ashenga Nyamuzinda Ogala-byoshi, amango abashombanyi balimu­ gosire enyunda zoshi, arherekêra omwâna-buzi orhalikwo izâbyo. 17 Nyamuzinda, kurhenga emalunga, avuza omukungulo, enkuba yàkungula, izù lyâge lyayumvîkana; 18 àhungumula abakulu b’abashombanyi b’Efilistea, n’Abanya-Tiri. 19 Samweli, embere aluhûke ensiku n’amango, acîgasha emunda Nyamuzinda na mwâmi bali, erhi: «Niono ntà muntu nalenganyize oku hyâge; ciru enkwêrho y’emigozi yo nyi». Na ntâye wamuhêsire lubanja. 20 Abîre amâfà abulirêba, abwîra mwâmi oku obwâmi bwâge bwahwîre; izù lyâge lyarhenga ekuzimu; lyalêba kwa kuzâza obubî bw’olubaga.