6
Abimbiza
1 Ngahi Omuzigirwa wâwe ajirage, wâni Mwinjà-Olushire abandi bakazi? Ngahi ayêrekirage, Omuzigirwa wâwe, rhumulonze haguma nâwe?
Omuhya
2 Omuzigirwa wâni ayandagalîre omu busâne*6, 2 Obwo busâne, kuli kuderha ecihugo ca Palestina-Israheli, kunali kuderha omuhya. bwâge, omu mivungiro yahumula bwinjà, kulonza mpu ayâbulire obusò bwâge omu busâne, anahumbûle obwâso bwa Lisi.
3 Niono ndi wa Muzigirwa wâni, naye Muzigirwa wâni ali wâni. Ayâbulire obusò bwâge omu mauwa ga lisi.
Ecîtakîro ca karhanu
Omuhya-mulume
4 Mwîra-kazi wâni, kwo oyinjiha aka Tirsa, kwo osoleha aka Yeruzalemu. We côbohwa nk’engabo z’amatabâro.
5 Orhandole ntya, amasù ogwêrhe gamambuza omurhima. Emviri zikuli oku irhwe busô bwa mpene, kula bunahona oku mwandagalo gwa Galadi.
6 Amîno ogwêrhe, busô bwa bibuzi, kula bisôka byarhenga omu izîko. Ngasi ciguma n’ecâbo c’omu mahasha, na ntà mwîhala gubirimwo.
7 Amarhama gâwe nka mpande za gerenadi, omu mushangi gukuli ebusù.
8 Abagoli bali makumi-gali ndarhu, abakazi baherula bali makumi gali munâni, n’abâna-nyere (barhaganjwa) mwandu.
9 Engûkù yâni eri nguma†6, 9 Ogwo mwandu gw’abakazi gukengêzize balya bakà Salomoni (mulongo. 8 na 9). Omurhonyi anali muguma: Israheli, ci erhi n’abandi ho banali: go gandi mashanja.. Muguma-obûla-ishembo ali muguma nie nnaye. Ali wago-wago omu mwâbo, murhonyi w’omuzîre wamuburhaga Abahya bamubwîne bàmusîma. Abagoli n’abakazi baherula bamuyûnamira
10 mpu : «ye ndi oyo oyishire nka mucêra-cêra, mwinjà nka mwêzi. Ayisha amoleka nk’izûba, mudârhi nka ngabo za balwî‡6, 10 Ebi binwa bikengêzize okurhenga omu bujà bw’e Babiloni; bikengezize n’amango g’abalwî ba Daudi.».
11 Nayandagalira omu busâni bw’amalehe nti ndole oku emburho yamera omu lubanda, nti ndole oku emizâbîbu yashabuka nti ndole erhi emirehe ekola yâyâsa.
12 Ntamanyiri kurhi, … Ci omurhima gwankwêba omu ngâlè z’olubaga lwâni, nka murhambo.
*6:2 6, 2 Obwo busâne, kuli kuderha ecihugo ca Palestina-Israheli, kunali kuderha omuhya.
†6:9 6, 9 Ogwo mwandu gw’abakazi gukengêzize balya bakà Salomoni (mulongo. 8 na 9). Omurhonyi anali muguma: Israheli, ci erhi n’abandi ho banali: go gandi mashanja.
‡6:10 6, 10 Ebi binwa bikengêzize okurhenga omu bujà bw’e Babiloni; bikengezize n’amango g’abalwî ba Daudi.