5
Omuhya-mulume
1 Namâjà omu busâne bwâni, wâni mwâli wîrhu, mukazi wâni; nkola ndwîrhe nahumbûla obukù bwâni n’amashahi gâni, ndwîrhe nalya omuke gwâni n’obûci bwâni, ndwîrhe nanywa idivayi lyâni n’amarhà gâni. Cinyweri bîra bâni, munywe mulaluke, barhonyi bâni.
Ecîtakîro ca kani
Omuhya
2 Ngwîshîre ci omurhima gwâni guzîne. Namâyumva Muzigirwa wâni akomomba oku lumvi*5, 2 Olumè ciri cimanyîso c’omugisho gwa Nyamubâho, bwenêne omugisho gw’amango gâyisha (Lolà Hoz 14, 6).: Nyigulira mâshi mwâli wîrhu, mukazi wâni, mâshi ngûkù yâni, mâshi Mwinjà-Muzira-ishembo. Kali irhwe linyunjwire lumè, emviri zinyunjwire mirhonyi ya budufu.
3 Nahogwîre iropo lyâni, kurhi nashubigi riyambala? Nashusire amagulu, Kurhi nashibigigazinza?
4 Musimwa wâni agezize okuboko omu murhule gw’olumvi; namâyumva omurhima gwadûrha.
5 Nti nazûka, nti nyigulire Muzigirwa wâni, enfune zâni zamayunjula mavurha, eminwe yâni namârhonya mavurha mangu! oku kahamikizo k’olumvi†5, 5 Emunda omuhya-mulume aderheraga mpu ayigule olumvi lumuyabira, àsiga amavurha g’amalâshi gàmuli omu nfune gahûmula oku lumvi. Asiga olumvi lwabaya!!.
6 Nti nayigulira Muzigirwa wâni, kusiga agalusire arhaciboneka! Okugenda kwâge kwarhuma narhibuka omurhima. Namulonzize ci ntacimubwîne, namuhamagîre ci arhacishuzize.
7 Abalâlîzi bambuganyire, bala bagera-gera omu ngo budufu. Banshûsire‡5, 7 Abôla balâlîzi burhanzi barhakafukunyize (3, 3); lêro kukola kuhiva bahiva n’okushûrha nyamukazi. bànyagaza, banyaga ecirondo câni, balya balanga ebyôgo by’olugo.
8 Banyere b’e Yeruzalemu, mwe mukasinga, bici mwabwîra Muzigirwa wâni mukamubona? Nalwâzire endwâla y’obuzigire
Abimbiza
9 Omuzigirwa wâwe bici alushire abandi, wâni Mwinjà-Olushire abandi bakazi. Omuzigirwa wâwe bici alushire abandi obwo warhuyimbirira ntyo?
Omuhya
10 Omuzigirwa wâni aciri musole gukanyire, arhankahabwa omu cihumbi.
11 Irhwe lyâge lya masholo gacîre bwenêne, emviri zâge, mashami ga mirhanda, nyîru-nyîru aka hungwe§5, 11 Omuhya acirhonyize! Kwo abwîne omulume wâge nka bûbake buzibu-zibu, bwenêne obûbake bw’aka-Nyamuzinda..
12 Amasù gâge nka ngûkù, oku mîshi omu lwôgero, nka kulyâla ziyôga omu marhà, nka kulya zigwa omu nyanja.
13 Amarhama gâge nka malingo ga mubono-bono, nka ntondo za bukù. Akanwa kâge nka bwâso bwa lisi, amavurha gayenga garhabamwo izâbyo.
14 Enfune zâge nshangabuye za masholo, ziyunjwîre mabuye g’e Tarsis, enda yâge eri nka muntinda gw’ihembe, guli nka kulya baguyambika enjuma z’e Safiri.
15 Amagulu gâge nka nkingi za mabuye mêru, nkingi ziyimangire oku masholo gacîre bwenêne. Enshusho yâge, kwo ashushire aka Libano*5, 15 Aka. -Nyamuzinda ka Salomoni, kàli kayûbasirwe n’emirhi y’e Libano., ntwâli nka nduluma.
16 Emyanzi yâge minunu-minunu, naye yêne mushagalusa; kwo ali ntyo Omuzigirwa wâni, kwo ali ntyo omulume wâni, wâni mwe banyere b’e Yeruzalemi.
*5:2 5, 2 Olumè ciri cimanyîso c’omugisho gwa Nyamubâho, bwenêne omugisho gw’amango gâyisha (Lolà Hoz 14, 6).
†5:5 5, 5 Emunda omuhya-mulume aderheraga mpu ayigule olumvi lumuyabira, àsiga amavurha g’amalâshi gàmuli omu nfune gahûmula oku lumvi. Asiga olumvi lwabaya!!
‡5:7 5, 7 Abôla balâlîzi burhanzi barhakafukunyize (3, 3); lêro kukola kuhiva bahiva n’okushûrha nyamukazi.
§5:11 5, 11 Omuhya acirhonyize! Kwo abwîne omulume wâge nka bûbake buzibu-zibu, bwenêne obûbake bw’aka-Nyamuzinda.
*5:15 5, 15 Aka. -Nyamuzinda ka Salomoni, kàli kayûbasirwe n’emirhi y’e Libano.