1 Muyumve mwe bâmi, muyumvîrhize bwinjà. Mucîyîgîrize, mwe bâmi b’e mahanga. 2 Murhege okurhwiri mwe murhegeka embaga, mwe mulimbira obunji bw’engabo zinyu. 3 Nyakasane ye wamuhâga obuhashe, n’obukulu, Ow’Enyanya wamuhâgabo, Yêne ye walola emikolo yinyu anasingirize enkengêro zinyu, 4 N’akabâga oku muli barhonyi omu bwâmi bwâge, murharhegekaga n’obushinganyanya, murhakulikiraga irhegeko, murhanakulikiraga enjira y’obulonza bwa Nyamuzinda, 5 akolaga amuhonera n’obukali bwoshi buzira kulâliza. Bulya nêci abanênênè bâyîsh’itwîrwa olubanja n’obukali*6, 5 Nka kulya bahâga Mûsa mpu arhahike omu cihugo c’amalaganyo (rhulole muli: Mib 20, 12) nîsi erhi kulya kwa Daudi (rhulole muli 2 Sam 24, 10-17)., 6 omunyinyi, olukogo bamubêrîre lunarhume ababalirwa; ci abarhegesi bayish’ihanwa bwenêne. 7 Bulyâla Omukulu w’abakulu arharhînya ndi, ntâye arhinyira obunene: abanyinyi n’abanênênè yêne wabajiraga, boshi kuguma abashîbirira; 8 abanya-buhashe badôsibwa n’obuhashe bulushîne. 9 Mwe mhwizire obwo, mw’oyo mwe bâmi, kuderha nti muyîgîrize obushinganyanya mulek’ihirima; 10 bulyâla ababika bwinjà ebitagatîfu, bâyîsh’iboneka oku bali batagatîfu; n’abacîyîgîrizâbyo, bâmanyiramwo kurhi bishuza. 11 Mucîfinjage ebinwa byâni, mubisîme mwâkûlamwo ihano.

12 Oburhimanya kulabuka bulabuka, burhanajakwo ngisha. Ababurhonya barharham’ibubone, bwône buciyêreka ahabulonza. 13 Kucirhangira bucîrhangîra abacîfinjirebwo, bunarhang’ibà bo buciyêrekana. 14 Owazukiriza àbulonza sêzi-sêzi arhakarhama, ho abushanga butamire aha lusò. 15 Okubumalîra obushiru, bwo bwîrhonzi bwimâna, n’owalâla oku cîko bwo burhuma, arhakarham’ifuma entanya. 16 Bwône bunajè hoshi hoshi, bulonze†6, 16 Ahâla burhimanya ali nka muntu: oku bamulonza naye «âjà alonza balya bamukwânîne». balya babukwânîne, bunajè aho bucîyerekebwo n’enshagali omu njira, bucîrhangire buj’ibugâna enkengêro zâbo zoshi. 17 Bulyâla omurhangiro gwâbo mwinjà, kucîfinja okubuyiga n’okulonza okubumanya, kwo na kuburhonya, 18 n’okuburhonya kwo na kulanga amarhegeko gâbo, n’okushimba amarhegeko gâbo kwo kurhafà kwoshi okwo, 19 n’okurhafà kunahise omuntu hali Nyamuzinda, 20 ntyo, olwifinjo lw’oburhimanya lunahise omuntu kwo obwâmi. 21 Akabâga entebe n’amashungwè binamusîmîse mwe barhegesi b’amashanja, mukenge oburhimanya, lyo muyîma emyâka n’emyâka.

22 Nkolaga naganira oburhimanya buli cici na kurhi bwameraga; amahwe gâbo ntagafulike, nashimbûlira enshando zâbo kurheng’emurhondêro, n’oku bumanywa nakuhira ahabona ntanaderhe nti ngere kuli n’okuli; 23 nanga ntagere njira nguma n’obwâgalwa burhuma omuntu ahorha‡6, 23 Hali obwâgalwa burhuma omuntu abula îrò. Ayâgalwe n’obwigusi bwa bene. zishube ntanya, ajè ahorha. Omu bwâgalwa buli ntyo, omuntu arhankaderha mpu amanyîsa owundi oku akengîre, k’erhi arhamanyire mpu amuciza!, kulya kubà burhimbanwa n’oburhimanya. 24 Okuluza abarhimanya, kwo kucira kw’igulu, n’omwâmi murhimanya gwo murhûla gw’olubaga. 25 Mulekage ebi binwa byâni bimuyîgîrize: mwabikûlamwo obunguke.