1 N’owundi, akola ajà omu nyanja mpu ayikire, akakengêra obudârhi bw’omulaba, arhang’igwîra agashâniza omurhi gwakenyuka duba kulusha omurhi gw’obwârho bumudwîrhe. 2 Obwo bwârho, magene ga bunguke gabukengêraga, oburhimanya bw’omulenga bwabuyunjuza*14, 2 Oburhimanya bunayîgîrize obulenga (Bush 8, 6).; 3 cikwône okubona-mbêre†14, 3 Endagâno ntanzi eyôrha eyîgîriza «Okubona-mbêre kwa Nyamubâho, n’okushîbirira ayôrha ashîbirira ebiremwa byâge» (rhulole muli Lul 145, 8.9.15.16; 147, 9). kwâwe, Larha, ye mwêrekeza obuheka, we watwâga enjira ciru n’omu nyanja, wageza n’omukâba gurhalimwo côbà omu karî k’amîshi; 4 wayêrekana ntyo oku ntâbyo orhankacingakwo omuntu, na ntyo, ciru n’omuntu orhakômiri anahash’igera omu nyanja. 5 Orhalonzizi emikolo y’oburhimanya bwâwe esigale bugumba, co cirhuma abantu baziga bajà oku murhi mwangu, bayikire enyanja n’obwârho bwangu-bwangu, banabul’ihika aha bajaga. 6 Ciru n’emurhondêro, bulya bazigulula ba-ciri-misî mpu bacîbona, obulangâlire bw’igulu bwayakira omu bwârho‡14, 6 Bulya bwârho bwa Nûhu obwo. bwangu, bulya wêne wali mwêrekeza wabô, basigira igulu emburho y’iburha lihyâhya. 7 Nêci gulimwo omugisho, omurhi gukolera obushinganyanya§14, 7 Balya bîgîriza ba mîra, rhuderha «B’îshe wa Ekleziya» hanji bàbwîne omusalaba gwa Kristu mw’ogo murhi.. 8 Cikwône eri mpehêrere enshushano erhenga omu nfune z’abantu, ye, n’omubinji wayo, ye, bulya anayibinjire, nayo, bulya bàyidesire mpu nyamuzinda n’obwo eri ya kubola. 9 Nêci, Nyamuzinda oku ashomba enkola-maligo, kwo ashomba n’ebirhenga omu maligo. 10 Omukolo n’omukozi, kuguma bàhanwa. 11 Kwo kuderha oku hayîsh’ibà n’obuhashe bw’enshushano z’amashanja, kulya kubà, omu karhî k’ebiremwa bya Nyamuzinda, ezo nshushano kabîre kafinjo, zabire nsârhazo oku maroho g’abantu na mirhego ya kugwâsa ebingolongolo.

12 Omurhondêro gw’obukuze bw’enshushano, gwo na murhondêro gw’obûmaguza; okuzilêrha eka kwasherêza n’obwôrhere bw’abantu*14, 12 Okuhabuka omu nkengêro, kwarhuma ahantu bâhabuka n’omu bwôrhere.. 13 Bulyâla ezo nshushano zirhahali burhanzi, zirhanayôrhe zihabà. 14 Kulimbirira busha kwa bantu kwazidwîrhe eno igulu; lâba n’oku olw’okuhwa kwazo mîra lwatûbagwa. 15 Muzîre muguma, erhi ali omu mishîbo n’omungo gw’omwâna omufîrîre murhò, abinjisa enshusho y’omwâna-nyakufà; agwîra ayigashâniza nka nyamuzinda, olyâla acizind’ibona muntu-ôfire anahà abambali amarhegeko g’okugashâniza. 16 Okubundi, erhi ensiku zigera, yashuba nkômedu nzibu, yashimbûlirwa nka lushika. 17 Abarhwâli nabo barhegeka mpu ensanamu zibinjwe abantu bakaz’izigashâniza. Abarhahashag’ikuzibwa bône erhi kubà kulî kurhuma, obusù buli kulî babuhira hôfi omu kubinja enshusho yaboneka y’omwâmi bakenzire; ntyo, obwo bushiru bwarhuma bakaz’iharâmya omwâmi oli kulî nka kulya ankabîre hôfi. 18 ciru, obushiru bw’omubinji bwarhuma abarhal’ibamuyishi nabo bahash’ikengêsa omukulu. 19 Omu kulonza okurhona emunda mwâmi ali, omubinji akolêsa obulenga bwâge bwoshi oku kujira enshusho nyinjà kulusha obusù bwonênè. 20 Olubaga nalwo, erhi lucirhonya obwinjà bwa bulya bushanja, lwarhangira lwagashâniza oyu mîra bakazâg’ikenga nka muntu. 21 Lâba oku gwashuba murhego barhezire abantu: okuyôboha ecitumule n’obukali bw’abaluzi, kwarhuma bahogeka emirhi n’amabuye izîno lirhashangîrwa.

22 Bahabuka omu kumanya Nyamubâho barhanarhimukagwa†14, 22 Vulgata, abalenga b’e Bukafu bayankirekwo oku kuhindula aha.; oku obuhwinja bubabezize omu ntambala erhali nyi, babul’iyîrika amaligo mangana aho izîno ly’omurhûla. 23 Barhal’ibâga abâna mpu nterekêro, barhal’irherekêra enterekêro z’obwifulikwe. barhal’iyîza omu isirhe ly’endalwè n’orhudali. 24 Kwo kuhaba obucêse omu buzîne erhi omu buhya, ci omuntu ayîrhire owâbo omujina, erhi amujire burhè omu kumusheregeza obuyumpa. 25 Enshandalè yacîbêra: okubulaga omukò n’okuyîrha abantu, okuzimbana n’okurhebana, okuyîgîrizanya obubî n’okulenganya abandi; okutula entambala n’okulahirirana ebîrà; 26 okubonesa abakengwa nshonyi n’okuyibagira ehinja omuntu ajirirwe, okusherêza emirhima y’abandi n’okutungôlana, okuhira ishârha omu by’obuhya, obugonyi na ngasi bûmaguza. 27 Bulyâla okugashâniza enshusho za bushabusha, lyo igwârhiro, gwo murhondêro na bushwinjiro bwa ngasi bubî. 28 Barhâsiraha amango badwîrhe bàcîsîmîsa, balagule abantu eby’obunywesi, nîsi erhi babè n’obwôrhere bw’obulenzi, erhi bacîgashe ebîrà. 29 Kulya kubà mifiriri ya nsanamu bacîkubagira, barhanamanyiri oku hali oku bankababala bamacîgasha ebîrà. 30 Cikwône barhabule kuhanirwa aga mabî gombi: okugashâniza enshushano kwarhuma bakubya enkengêro ziyêrekîre Nyakasane obulyâlya bwâbo bwarhuma bakaz’icîgasha ebîrà, banagayaguza oburhimanya. 31 Obuhane abagoma bakwânîne bwo burhibukira oku bulenzi bw’enkola-maligo, ci arhali obuhashe bw’akantu bàcîgashaga.