Xoka Kireni Nakau
Yonie Xayawotai
Akereki kuna
Mua nakau paiya aimore nanunanu xotapa tuku. Yesusu taiwoteneai xuiapu xeika Emisiki Xoiteu xeika nukou nirau Yesusu Kristusu xeikae, tianikati kirenini xonikikemu tumaxi puropinerire xetai. Ukumu xosaupo apimi weinikiteri ninie xoreinikineri nini purunikeri Xoiteu wetepi nu xiraxina.
Nini pa “ukumu xosaupo kinie” ipaki kunaurouneri, mua ouro puroteneai sapi paiya, asinakuni kutu xana xuwe xirouneri. Yesusu nu Xoiteupo Nono, pa xati nu siko xuiapue kakirounuku sie nu apuni kutu saina ouropu sapi xeika etokepuwatixe. Ninie kunauneri, apue Xoiteu xeika ati puropurexina paiya, nu ouropu sapi teure nanunanuwopuwatixe. Asinaku kutu kapia xeika kireu xosikienikepi kapia xeika, pa rania nini ouropu sapi. Pa xati tinie panumu kapia taiwopure eiyoxaku.
Yesusu taiwoteneai apimie panumu kuna xosa xakuniki iyarepia nu xiraxina. Nue kunauna, Yesusue apuni kutu sayeyai xati, Yesusure xonikisuwoteneai xuiapu paiya nini Xoiteu xiri xonikieuneri kireu xuiapu xiri xonikiewopineri.
Sini memeremu xosa texepuna ukumu xosaupo apimi kini weinikitikiri xoreisikexeni
1
1.1—3.10
Ekeoma tuku kunae yarani putawoyai
1 Sinie1.1 Yo 1.1-4; 1.14; 20.27;2 Pi 1.16;1 Yo 2.13-14 kuna ekeoma tukupo kuna uteirounuku. Mua kuna paiya ekimeni kutu puroyai xati, sinie iyeserinuku, ekisikie xekeukiriai. Sinie nu xekerinuku nu xosa xupusiki iyarikiriai. 2 Mua1.2 Yo 1.14; 21.24;YT 2.32;Ro 16.26 ekisikiomae yarani putauwoyai xati, sinie xekerinuku, paire kuna uteirounuku. Pa ekisikomae atina sipesi sipesi purotaire sinie tini xosa kunaunuku. Ekime nue nupo Omo xeika puroyaie yarani putawati ekeukiriai. 3 Sinie1.3 Yo 17.21;YT 4.20;1 Ko 1.9;1 Yo 2.24 xekeri iyesikiriai xati, tinie sini xeika xosikikemu tumaxi puropure tini xosa rania, kuna uteirounuku. Pa xati nupo Omo xeika, Nukou Nirau Yesusu Kristusu xeika kirenini xosikikemu tumaxi purinuku. 4 Sikou1.4 Yo 15.11; 16.24;2 Yo 12 nimariri xiri xokopexepinaure sinie mua nakau xayaukiriai.
Sini memeremu xosauni kutu texepu
5 Yesusu Kristusue kuna uteiwati iyeserinuku1.5 Yo 1.9; 9.5; 12.35-36;1 Ti 6.16;Ye 1.17;1 Yo 3.11, sinie tini xosa uteinuku. Pa kuna muanumu, Xoiteu nu memeremu xati, xayakaxayaka kire ukumu nu xosa puratixe. 6 Sini1.6 2 Ko 6.14;1 Yo 2.4 kunaunuku, “Ye nu xeika kirenini xoikemu tumaxine,” xepinena pana sini ukumu xosa texinukua, sinipo mua kuna paiya xorei kuna xati, sini suau kapiarei texikirixe. 7 Pana1.7 Ais 2.5;Yo 3.21;Ep 1.7;Ip 9.14;1 Pi 1.19;XKY 1.5; 7.14 nuko memeremu xosa purotai sieni, sini memeremu xosa texinukua, sini Xoiteupo kireu xuiapu xeika xosikikemu kirenini tumaxi purinuku. Pa xati Xoiteupo Nono, nu Yesusu, nupo yawie sikou xokupa xunu xesauwati xosei sairounuku.
8 Sini1.8 Yop 9.2;Siri 32.5;Asin 28.13;Ye 3.2;1 Yo 2.4 kunaunuku, “Ye xunu xuwe,” xirounukuna pana sini sikou xosikikemu xoreunuku xati, suau kuna xosikiro puratixe. 9 Pana1.9 Siri 51.2;Asin 28.13;1 Yo 1.7 sini sikou xunure kunauweikiria Xoiteu nukoe kunawoyai sie panumu kakepina. Nue asinaku kutu kapia kakinapa sikou xunu wetepina. Kakina xokupa kapia xoxi siko xosa purotai xesauwatia xosei puropu. 10 Sini1.10 1 Yo 1.8 kunaunuku, “ye xunu eriyaixe,” xepuna pana pa kuna paie kunaunuku Xoiteu nu xoreitua xinuku1.10 Siri 14.3;Ais 53.6; 64.6. Pa xati Xoiteupo kuna xosikiro puratixana xuwe.
1:1 1.1 Yo 1.1-4; 1.14; 20.27;2 Pi 1.16;1 Yo 2.13-14
1:2 1.2 Yo 1.14; 21.24;YT 2.32;Ro 16.26
1:3 1.3 Yo 17.21;YT 4.20;1 Ko 1.9;1 Yo 2.24
1:4 1.4 Yo 15.11; 16.24;2 Yo 12
1:5 1.5 Yo 1.9; 9.5; 12.35-36;1 Ti 6.16;Ye 1.17;1 Yo 3.11
1:6 1.6 2 Ko 6.14;1 Yo 2.4
1:7 1.7 Ais 2.5;Yo 3.21;Ep 1.7;Ip 9.14;1 Pi 1.19;XKY 1.5; 7.14
1:8 1.8 Yop 9.2;Siri 32.5;Asin 28.13;Ye 3.2;1 Yo 2.4
1:9 1.9 Siri 51.2;Asin 28.13;1 Yo 1.7
1:10 1.10 1 Yo 1.8
1:10 1.10 Siri 14.3;Ais 53.6; 64.6