2
Kristusu nu sikou tianisikepi
1 Tini2.1 Ro 8.34;1 Ti 2.5;Ip 7.25; 9.24 yeu nono misiarara xura, tini xunu erepu xuweuwakuaire, mua kuna tini xosa xayaune. Kire apue xunu eratia, sini sikou tianisikepi tuku, nu nupo Omo xeika purina. Nu siko xopuropu apu nu Yesusu Kristusu, pa apue asinaku kutu kapiani kutu kakepina. 2 Nue2.2 Yo 1.29; 11.52;Ro 3.25;2 Ko 5.18;Kl 1.20;1 Yo 4.10; 4.14 nukoini sikou xunu xesawopure saina teyai. Nue sini kireni tianisikepure mua saina teyaixe. Xuwe. Xokupa xuiapu ouro puroteneai tianikepure kakeyai.
Apu Xoiteu sipani kutue, Xoiteupo kapia tairouna
3 Sini Xoiteupo kunani kutu tainukua nu sipaukiriaire xiri atinuku sipawopu.
4 Kire2.4 1 Yo 1.6-8; 4.20 apue kunauna, “Ye Xoiteu sipani kutu,” xepina. Pana nu Xoiteupo kunani kutu taiwopu xuweuna paiya, pa apu nu xoreitua xati, nupo xoukemuro kunani kutu puratixe. 5 Kire2.5-6 Yo 13.15; 14.21-23; 15.4-5;1 Pi 2.21;1 Yo 4.12-13; 4.17; 5.3 apue Xoiteupo kuna taina paiya, nu nupo xoukemu Xoiteu tuwopi xiri sipa xati, sini panumu kapiarei, Xoiteu xeika etokinuku.
6 Kire apue kunauna, “Ye Xoiteu xeika etokine xinapa,” paina pa apua nu Kristusue texeyai sieni texepina. 7 Yeu waukia xura2.7 1 Yo 2.24; 3.11;2 Yo 5-6, mua Xoiteupo kuna tini xosa xayautiai paiya oma kunaxe. Xuwe. Paiya ekime takieni kutu tikiniai kuna. Pa xipiki kuna paiya takieni iyesikiniai. 8 Pana2.8 Yo 1.9; 8.12; 13.34;Ro 13.12;Ep 5.8;1 Ts 5.5; 5.8 mua kuna tini xosa xayautiai, pa rania oma kuna xati, Kristusupo ekeoma xeika tinipo ekitikioma xeika xosa rania pa suau, pa amure, ukumu xuwexepure xati memeremuni kutu putawotai purina.
9 Kire2.9 1 Ko 13.2;2 Pi 1.9;1 Yo 3.10; 3.14-15; 4.20 apue kunauna, “Ye memeremu xosa purine,” xepina, pana kire xatau xosa xoukemu xoxixina paiya, pa apu nu ukumu xosauni purina. 10 Apue2.10 Yo 11.9;Ro 14.13;2 Pi 1.10;1 Yo 3.14 xatau xoukemu turouna paiya, nu memeremu xosa purirouna. Memeremu xosa paiya kire sapie kakati nu uraki xowopina puratixe. 11 Pana2.11 Yo 11.10; 12.35 apue kire xatau, nu xosa xoukemu xoxirouna paiya, nu ukumu xosa purina. Nu ukumu xosa texina amu ime tainarau nu sipa xuwe. Nu ukumue eke paraeki.
12 Tini2.12 Lu 24.47;YT 4.12; 13.38;1 Ko 6.11;1 Yo 1.7 yeu nono misiarara, Xoiteue Kristusupo wenumurei tinipo xunu weteritiketai. Pa xati ye tini xosa mua kuna xayaune.
13 Tini2.13 1 Yo 1.1 xauwa xura, tini sipani kutu pa apu nu ekimeni kutu puroyai mua pani purina. Pa xati tini xosa mua kuna xayaune.
Tini apimi tenemai xura, tini Satani emeserukiriai. Pa xati tini xosa mua kuna xayaune.
14 Nono xura2.14 Ep 6.10, tini Emisiki sipani kutu. Pa xati tini xosa mua kuna xayaune.
Tini xauwa xura, tini sipani kutu pa apu nu ekimeni kutu puroyai xati mua pani purina. Pa xati tini xosa ye mua kuna xayaune.
Tini apu tenemai, tini sokisoki tuku xati, Xoiteupo kuna tini xosa sokisoki purati, Satani emeserukiriai. Pa xati ye mua kuna tini xosa xayaune.
Sini ouropu kapia kapia xosikiewopuxe
15 Tini2.15 Mt 6.24;Ro 8.7; 12.2;Ka 1.10 ouropu kapia kapia xotikiewoto xokupa ouropu sapi xotikiewotowaku. Kire apue ouropu kapia xouweunapa nu Xauwa xiri xouweurouwatixe. 16 Siko2.16 Ro 13.14;Ye 4.16;1 Pi 2.11 sipa, ouropu apimi nikau xokupa kapia paiya, xonikikemu sarepi kapia xeika ekiniki nepi kapia xeika niko xokupa sapire totoniki ouwopi xeikauneri. Pana xokupa kapia paiya Emisikirei koatixe. Xuwe. Paiya nini ouropu kapia kireni. 17 Mua2.17 Mt 7.21;1 Ko 7.31;Ye 1.10;1 Pi 1.24 ou xuwe xatia, mua ouropu xokupa kapia, paiya xosikikemu saropi kapia xeika ekisikienepi xeika rania xirini xuwexepineri. Pana kire apue Xoiteue xouweuwotai kapia taina paiya nu sipesi puropina.
Kristusupo xiwaie putawotai
18 Yeu nonomi2.18 Mt 24.5; 24.24;2 Ts 2.3;1 Ti 4.1;Ip 1.2;1 Pi 4.7;2 Pi 2.1;2 Yo 7, sini xurisepu asau xosa putaurounuku. Kristusupo xiwayau kopinaxi kuna ekime iyesikiniai. Ximine Kristusupo xokupa xiwaiyaumana kouweteneai. Pa xati siko sipa, sini xurisepu asaupo yause xosa putaukiriai. 19 Ximuximu2.19 Mt 24.24;Yo 6.37;YT 20.30;1 Ko 11.19 pa apimie siko xeika puroneaie, wesiki xowoneai. Pana ninie sikou kini kutu xosauni puropu xuwe. Nini sikouni kutu xakua, nini siko xeikani puraku. Pana muaia siko weisikiteneai, pa xati ati sipaunuku, pa apimi paiya nini sikouni kutu xuwe.
20 Tinie2.20 Yo 10.4;YT 3.14;1 Ko 2.15;2 Ko 1.21;Ip 1.9;1 Yo 2.27 Xoiteupo Supo Youya tieikiriai xati, tini xokupa sipa tuku. 21 Pa xati tini kunani kutu sipa xuwexi nanuworine mua kuna tini xosa xayauixe. Xuwe. Ye xayautiaia, pa amure, tinie suau kuna sipauweikiriai xati, suau kunae xorei kuna yararepu xuweuwopina paiya tini sipa. 22 Xoreixepina apu2.22 1 Yo 4.3;2 Yo 7 nu yuna? Paiya pa apu nu kunauna, “Xoiteue nukou xuiapu xiyeri tinikepure tumuworetai apu paiya Yesusu xana xuwexi,” kunaurouna. Apue pa kuna kunawotaia, nue Emisiki xeika Nirau xeika nike tinikirouna, pa xati nu Kristusupo xiwai. 23 Apue2.23 Yo 5.23; 14.7-10; 15.23;1 Yo 4.15; 5.1;2 Yo 9 Nono nike tuna paiya Omo rania nike tuna. Apue Nonoure xousuna paiya, nu Omoure rania xousuna.
Xoiteupo Supo Youyae suau kunaure taitaisikirouna
24 Ekime2.24 Yo 14.23;1 Yo 1.3;2 Yo 6 tinie pa kuna iyesikiniai paiya, tini sokisoki ta. Tini ekime tikiniai kuna sokisoki tinari paiya, Nono xeika Omo xeikae tini xeika sipesi puropineri. 25 Kristusue2.25 Yo 3.15; 6.40; 17.3;1 Yo 1.2; 5.11 siko sokisoki kuna ipaki kasikina, tini sipesi atinari purakuai ekitikioma tikepine xeyai.
26 Tini xoreitikepure xeteneai apimi nikau kapiaure tini katikepure mua kuna tini xosa xayaune. 27 Pana2.27 Yo 14.26; 16.13;Ip 8.10-11;1 Yo 2.20 tinie Kristusu xosaupo Xoiteupo Supo Youya tieikiriai xati, nue tini xeikani purina. Pa xati tini sipa xuweitautikati xati, ye tini taitaitikepixe. Xuwe. Xoiteupo Supo Youyaini tini taitaitikirouna xati, pa Youyapu kuna paiya xiri suau. Nu xoreixatixe. Pa xati tini Youyae taitaitiketai sie Kristusu xeika etoka.
Ximine sini Xoiteupo nono purinuku
28 Iyo2.28 1 Yo 3.2; 4.17, yeu nono xura, tini Kristusu xeikani kutu etoka. Kakari nue sosikepure xiyeri koatia sini sokisoki tumunukua, nu ekero mayarei tumuwopuxe. 29 Kristusupo kapia xiri asinakuni kutuxi panumu sipaunaria2.29 YT 22.14;1 Yo 3.7; 3.10, xokupa apimie asinaku kutu kapia kaketeneaie, Xoiteupo nono sayeteneai xinari rania panumu sipawakuai.
2:1 2.1 Ro 8.34;1 Ti 2.5;Ip 7.25; 9.24
2:2 2.2 Yo 1.29; 11.52;Ro 3.25;2 Ko 5.18;Kl 1.20;1 Yo 4.10; 4.14
2:4 2.4 1 Yo 1.6-8; 4.20
2:5 2.5-6 Yo 13.15; 14.21-23; 15.4-5;1 Pi 2.21;1 Yo 4.12-13; 4.17; 5.3
2:7 2.7 1 Yo 2.24; 3.11;2 Yo 5-6
2:8 2.8 Yo 1.9; 8.12; 13.34;Ro 13.12;Ep 5.8;1 Ts 5.5; 5.8
2:9 2.9 1 Ko 13.2;2 Pi 1.9;1 Yo 3.10; 3.14-15; 4.20
2:10 2.10 Yo 11.9;Ro 14.13;2 Pi 1.10;1 Yo 3.14
2:11 2.11 Yo 11.10; 12.35
2:12 2.12 Lu 24.47;YT 4.12; 13.38;1 Ko 6.11;1 Yo 1.7
2:13 2.13 1 Yo 1.1
2:14 2.14 Ep 6.10
2:15 2.15 Mt 6.24;Ro 8.7; 12.2;Ka 1.10
2:16 2.16 Ro 13.14;Ye 4.16;1 Pi 2.11
2:17 2.17 Mt 7.21;1 Ko 7.31;Ye 1.10;1 Pi 1.24
2:18 2.18 Mt 24.5; 24.24;2 Ts 2.3;1 Ti 4.1;Ip 1.2;1 Pi 4.7;2 Pi 2.1;2 Yo 7
2:19 2.19 Mt 24.24;Yo 6.37;YT 20.30;1 Ko 11.19
2:20 2.20 Yo 10.4;YT 3.14;1 Ko 2.15;2 Ko 1.21;Ip 1.9;1 Yo 2.27
2:22 2.22 1 Yo 4.3;2 Yo 7
2:23 2.23 Yo 5.23; 14.7-10; 15.23;1 Yo 4.15; 5.1;2 Yo 9
2:24 2.24 Yo 14.23;1 Yo 1.3;2 Yo 6
2:25 2.25 Yo 3.15; 6.40; 17.3;1 Yo 1.2; 5.11
2:27 2.27 Yo 14.26; 16.13;Ip 8.10-11;1 Yo 2.20
2:28 2.28 1 Yo 3.2; 4.17
2:29 2.29 YT 22.14;1 Yo 3.7; 3.10