1 Xawa xura3.1 Yo 1.12; 3.16; 16.3;Ro 8.16;1 Yo 4.10, Xauwae sini xouwesikerina nupo xoukemu sikeki sikekina! Sini Xoiteupo nonomixi nue wenisikeyai. Paiya suauni kutu, sini Xoiteupo nonomi purinuku. Ouropu apimie Xoiteu sipawoneai xana xuwe, pa xati siko rania sipasikerixe. 2 Waukia xura3.2 Ro 8.18; 8.29;1 Ko 15.49;2 Ko 3.18;Pl 3.21;Kl 3.4;2 Pi 1.4, ximine sini Xoiteupo nonomi purinuku. Sewai sini amaki puropua pa sini xemu sipaukirixe. Pana siko sipa, Kristusue yara putawopina yause xosa, sikoe suauni kutu xekeunukua, sini nuko sieni xepu. 3 Pa xati, yue Kristusu nukou siexepurexineria, nini kapia kutu asinaku tairouneri. Pa xati Kristusue xosei purotai sie nini rania xosei purineri.

4 Apue3.4 Ro 4.15;1 Yo 5.17 xunu eretaia nu Xoiteupo tu sokau porouna. Xunu paiya tu sokau porowopi kapia. 5 Tini3.5 Ais 53.5-6; 53.11;Yo 1.29;2 Ko 5.21;1 Ti 1.15;Ip 4.15;1 Pi 2.22-24;1 Yo 2.2 sipa, Kristusue xunu xesauwepure putawoyai xati, nu xosa xunu puratixe. 6 Apue3.6 Ro 6.1-2; 6.14;1 Yo 2.4; 3.9; 4.8;3 Yo 11 Kristusu xeika etokina paiya, nu xunupo kapia tairouwatixe. Kire apue xunupo kapia taina paiya, nu Kristusu xekoyai xana xuwexi sipawopu, pa xeika nu Kristusu sipa xuwe xepu.

7 Tini3.7 Ro 2.13;1 Yo 2.26; 2.29 yeu nono misiarara xura, tini sosopa epixakuai, panumu kire apue xoreitikexete. Apue asinaku kutu kapia kakatia, nu apu asinaku kutu, nu Apu Kristusu asinaku kutu sie. 8 Ximuximu3.8 Stt 3.15;Lu 10.18;Yo 8.44; 16.11;Ip 2.14 ekimeni kutu xosa, Satanie sipesi xunu erirouna, pa xati apue xunu erirouna paiya nu Satanipo apu. Pa xati Xoiteupo Nonoe Satanipo saina purieina xesauwepure yarani putawoyai. 9 Kire3.9 1 Pi 1.23;1 Yo 5.18 apue Xoiteupo nono saina paiya, nu xunupo kapia tairouwatixana xuwe. Xoiteupo ekeomani pa apu xosa purina, pa xati nue xunupo kapia taiwopuwatixe. Xuwe. Nu Xoiteupo nono purina. 10 Yue 3.10 1 Yo 2.29; 4.8Xoiteupo nono xati yue Satanipo nono xinuku sipawopurepa, apue asinaku kutu kapia kakepu xuweuwatia, nu Xoiteupo nono xuwexi sipawopu. Pa xeika apue Xoiteupo kireu nonomi xiri xouwenikepi xuweurouna rania nu Xoiteupo xuwe xepu.

11 Sini3.11 Yo 13.34; 15.12;1 Yo 1.5; 4.7; 4.21 kirenikirenie kireu xiri xosikienikepu xetai kuna paiya ximuximuni kutu tinie pa kuna iyesikiniai. 12 Sini3.12 Stt 4.8;Ip 11.4;Yu 11 Keini sie puropuxe. Nu Satanipo apu xati xameyau ouweyai. Ama nupo xameyau ouweyaina? Xameyau ouweyaia, amure, nukou kapia xoxi xati, xameyaupo kapia asinaku kutu xati ouweyai.

13 Xatai xura3.13 Mt 5.11-12;Yo 15.18-19; 17.14;2 Ti 3.12, ouropu apimie xiwaixiwaitikeria, tini paire kakixanari xoxi ure urewaku. 14 Sini3.14 Yo 5.24;1 Yo 2.9-11 Xoiteupo kireu xuiapu xosa xosikikemu tinikirounuku, pa xati siko sipa, sini xumopipo kapia wetikiriai xati, ekisikiomapu kapia xosa purinuku. Apue xataumana xoukemu tinikepu xuweurouna paiya, nu xumopipo kapia xosauni purina. 15 Apu3.15 Mt 5.21-22;Ka 5.21;XKY 21.8 xatau xiri xouwewopu xuweuna xoukemu xoxixoxixina paiya, nu apu ouwetai siexina. Pa xati tini sipa, apue kire apu ouweina paiya, nu sipesi sipesi ati puropina ekeoma tatixe. 16 Yesusue3.16 Yo 3.16; 13.1; 15.13;Ro 5.8;Ka 1.4;Ep 5.2; 5.25;1 Ts 2.8 siko tianisikepure nukou ekeomani wetina xumotai xati, nupo pa kapia paie kireu xiri xosikienikepi kapia atarisiketai. Pa xati sinie rania xatasikimanae Yesusu taiwoteneai tianikepure ekisikioma wetepu. 17 Pana3.17 Tu 15.7;Lu 3.11;1 Yo 4.20 kire apu nu mua ouropu sapi tukue, kire xatau xekoati xuruara xuweitauwati, nu pa xataure xousuawopu xuweunapa siko sipa, Xoiteue kireu xouwenikirouna kapia pa apu xosa puratixe. 18 Tini3.18 Ro 12.9;Ye 2.15-16;1 Pi 1.22 yeu nono misiarara, sini xatasikimana kuna kireniere e supusikie kireni xosikienikepuxe. Xuwe. Sini sikou xosikikemuni kutu tinikinuku asinaku kapia nini xosa kakepu.

19-20 Sini3.19-20 Yo 18.37;1 Yo 1.8 kireu xiri xosikienikinukua, sini suau kuna tainuku xinukua sipawopu. Sikou xosikie kire sapire kuna xosa iyaisikerepina sorena, Xoiteu ekero sini yoroara puropu. Pa amure, Xoiteu nu xokupa sapi sipa xati, nupo sipae sikou xosikiro purotai sipa xiri orouna. 21 Waukia xura3.21 Ip 4.16; 10.22;1 Yo 2.28; 4.17, sikou xosikie kuna xosa iyaisikerepu xuweuwatia, sini Xoiteu ekero sokisoki tumurounuku. 22 Kire3.22 Siri 34.15;Yer 29.12;Mt 7.8; 21.22;Yo 9.31; 14.13 sapire kunikuninuku nu kotoukiria, nue sikirouna, pa amure, sikoe nupo kuna tainuku, nue xouwewotai kapia kakirounuku. 23 Pa xati3.23 Yo 6.29; 13.34; 15.12; 15.17; 17.3;1 Ts 4.9;1 Pi 4.8;1 Yo 2.8-10 nupo tu paiya muanumu. Sini nupo Nono Yesusu Kristusu wenumurei xosikisunuku, nukoe siko kasikeyai sie siko kireni kirenie kireu xiri xosikienikepu. 24 Kire3.24 Yo 14.23; 15.10; 17.21;Ro 8.9;1 Yo 4.12-13 apue Xoiteupo kuna taina paiya, nue Xoiteu xeika etokati, Xoiteue nu xeika etokina. Xoiteue Xoiteupo Supo Youya siko sikati, Xoiteue siko xeika purinaxi, pa Youyae siko atarisikina.