Polue Epesesi
xosaniki xayawotai nakau
Akereki kuna
Mua nakaupo nanunanu xotapa paiya muanumu Xoiteue xokupa sapi Kristusu xosa kununuwopurexina, paiya mena xouropu xokupa sapi xeika ouropu xeika kununuwatia, Kristusue xokupa sapi xiri tapaxi puropina. (1.10) Xoiteue nukou xuiapuni sainikerepurexina, kakatia ninie Kristusu xeika xiri etokineria kirenini xonikikemu puropineri.
Akereki kuna masa paiya Xoiteupo xousua xeika xouwesikepi kapia xeikae kakati xokupa xuiapue Kristusure xonikisuwoteneaie xirini kunununeri kireni xuiapu kini sayeteneaire Polue xokupa kuna kunawotai. Yesusupo saina paie Xoiteue xuiapu xiyeri tinikina Xoiteupo Supo Youya tiniketai. Nukoe sokisoki kuna kunawoyai siena paiya nukoe xokupa asinaku kapia nini xosa kakepine xeyai. (1.14) Xoka axiri nakaupo kuna masa xosa Polue ipaki kunauna Yesusure xonikisuwoteneaie Kristusu xeika etokineri, pa xati ninie xiri kireni xonikikemu xineri Xoiteupo kapiani kutu taiwopineri.
Mua nakau xosa paiya xuiapu nini Kristusu xeika etokineri kireni xuiapu kini xineri xina yarani atarinikepure Polue kunaurouna. Nue ipaki kunauna Xoiteupo xuimiapimi paiya nini kireni mupuniki xati Kristusue pa mupunikipo tapakemu sie xetai. (4.1-16) Pa xeika Xoiteupo xuimiapimi paiya nini kire ata sie xati Kristusu nukoe atapu akereki xai xetai. (2.19-22) Xoiteupo xuimiapimi paiya nini kire xui sie xati Kristusue pa xuipo xamu sie xetai. (5.22-32) Mua nakau xosa paiya asinaku asinaku kapia Xoiteue nukou xuiapu xosa kakepure xetai xosa sikoe atinukuni kutu xekeurounuku.
Kristusu xosa Xoiteue sini oma xuiapu saisiketai
1
1—3
1 Ye1.1 YT 18.19-21; 19.1;Ro 1.1; 1.7;1 Ko 1.1;Kl 1.1 Polu, ye Kristusu Yesusupo tianuwopi. Nukoe ye xouweyati Xoiteue ye Yesusupo tianuwopi tumuyeretai. Tini Xoiteupo xuiapue Epesesi erewese purinuku Kristusu Yesusu taiwopi menamenaukiriai xosa mua nakau xayaritikine. 2 Sikou Emisiki Xoiteu1.2 2 Ko 1.2;Ka 1.3;Kl 1.2;Ta 1.4 xeika Kokaipa Yesusu Kristusu xeikae, tini xonikietikineri xonikikemu tikeria tinipo xotikikemu yoroara puropina.
Xoiteue Kristusu xosa xokupa mena xouropu asinaku sapi siketai
3 Sini 1.3 Ep 2.6Xoiteupo wenumu xourorepu, nu sikou Kokaipa Yesusu Kristusupo Omo xeika nukou Xoiteu xeika. Sikou xenisiki tianuwopure, nukoe Yesusu wenumurei mena xouropu xokupa asinaku sapi siketai. 4 Sini1.4 Yo 15.16; 17.24;Ro 8.28;Ep 5.27;Kl 1.22;2 Ts 2.13;2 Ti 1.9;Ye 2.5;1 Pi 2.20 xeseu puropure Xoiteue ou iyarepu xuweu yauseni, sini Kristusu xeika etokepure tumusikeretai. Kakeki xati sini nukou ekero kutu asinaku xu xuweu xuiapu puropu. 5 Yesusu Kristusue1.5 Yo 1.12;Ro 8.29-30;2 Ko 6.18;Ka 4.5 saina tina siko xiyeri tisikepinaure, ekimeni kutu nukoe xouwesikina nukou nononi kutu sayepure tumusikeretai. Xoiteue nukou nanunanuni nimaririeina taina panumu kaketai. 6 Nukoe pa Nono xiri xouwewotai wenumurei1.6 Mt 3.17;Yo 3.35;Ro 3.24; 5.15;Kl 1.13, Xoiteue xiri xouwesikina xoukemu sikeyai. Pa xati nue ere xouwesikina xoukemu siketaire nanunuku Xoiteupo wenumu xourorepu.
7 Xoiteue xouwesikina xoukemu sikepu kapia1.7 YT 20.28;Ep 2.7;Kl 1.14; 1.20;Ip 9.12;1 Pi 1.18-19 xiri xokopexina. Pa xati Kristusue sini xiyeri isayasikepure xumotai xati, nupo yawie sikou xokupa xunu Xoiteue xesauwetai. 8 Xoiteue xouwesikina xoukemu siketai kapia siko xosa panipani kusauna, xokupa xetaxetau sipa xeika asinaku nanunanu xeika siketai. 9 Ekime1.9 Ro 16.25;Ep 3.4; 3.9-11;Kl 1.26;2 Ti 1.9 Xoiteue Kristusupo saina xosa mua kapia kakepure nanunanuwoyai. Pana nupo pa nanunanu paiya ximiaki puriyai xati ximine nupo nanunanu itou atarisikina. 10 Pa1.10 1 Ko 3.22-23;Ka 4.4;Pl 2.9-10;Kl 1.16; 1.20;Ip 1.2;1 Pi 1.20 sapi kakepure xetaia muanumu. Xokupa sapi taitai xouna xouna, pa yause iyaretai xosa paiya, xokupa sapi mena xouropu xeika ouropu xeika rania Kristusu xosa kununuwopina. Kakatia Kristusue xokupa sapi tapaxi puropina.
11 Xoiteu1.11 Ro 8.17; 8.28-29;Kl 1.12;Ta 3.7;Ye 2.5;1 Pi 1.4 nukou xouweni nukou nanunanu taina xokupa sapi kakati marouna, kakina ekime nukou xouweni apimi Kristusu xeika etokinuku nupo xuiapu sayepinukure tumusikereyai. 12 Sinie akerinuku Kristusure xosikisunuku taikiri, nukou kokaipa memeremu xeika sokisoki xeika xosa sipesi nanunuku nukou wenumu xourorepinukure sini Xoiteue tumusikeretai.
13 Tini1.13 2 Ko 1.22; 6.7;Ep 4.30;Kl 1.4-6 xetau xuiapu kini tinie rania suau kuna iyesieikiriai, paiya pa Xoiteupo asinaku kunae tini xiyeri titiketai. Kakati Kristusure xotikisunuku. Tinie nukou xuiapu kinini kutu purinuku, Kristusu xeika etokari, ekime Xoiteue sokisoki kuna kunawoyai taina Xoiteupo Supo Youya tiketai. 14 Sini1.14 Lu 21.28;Ro 8.23;2 Ko 1.22;1 Pi 2.9 Xoiteupo Supo Youya tieikiriai, pa xati siko sipa, Xoiteue kireu asinaku sapi nukou xokupa xuiapu tinikepure sokisoki kuna kunawoyai sie xurise sini rania tepu. Xoiteue xiyeri tisikati nuko xeika somoni kutu puropu yause xosa pa sapi tepure yakunuku. Kakinuku pa sokisoki saina tixanauwoyaire nanunuku nukou kokaipa wenumu xourorepu.
Xoiteue Epesesi sipa tinikepinaure Polue kunikuniwotai
15 Tinie1.15 Kl 1.4 Kokaipa Yesusure xotikisunuku Xoiteupo xokupa xuimiapimi xosa xotikikemu tinikirounuku kuna ye iyesitiai. 16 Pa xati1.16 Pl 1.2-4;Kl 1.3;1 Ts 1.2 ye kunikuninepa, sipesi tinire nanunanune Xoiteu eiyaseuroune. Kakine 17 ye Xoiteu kotoutiai1.17 Kl 1.9, nu Kokaipa Yesusu Kristusupo Xoiteu, nu kokaipa memeremu xeika sokisoki xeika nikau Eminiki. Nue asinaku nanunanu tikatia tinie nukou kuna xotapani kutu sipawari, nukoini kakatia, tini nupo xiri sipawakuai. 18 Nue1.18 YT 26.18;Ep 2.12; 4.4;Kl 1.12 tinipo nanunanu xosa memeremu tikepinaure xoiyeune, kakatia tini takuai sapire yaitikatia atinari sipawakuai xine, paiya tinie yaku purikiriai sapire kunaune. Kakinaria Xoiteue sini nukou xuiapu xosa asinaku asinaku sapi iyarerisiketai sipawakuai. 19 Kakinari1.19 Ep 3.7;Kl 1.11; 1.29; 2.12 ipaki sipaunaria, mua Xoiteupo sokisokie sini nure sipesi xosikisuwopi saina tikiriai xuiapu xosa pani kokaipa saina tina xakuai. Sini nupo sokisoki uteiwopu xana xuweni kutu. Pa Xoiteupo kokaipa sokisoki sini xosa saina tirouna, 20 paie1.20 Siri 110.1;2 Ko 13.4;Kl 1.16; 2.10-12; 3.1;Ip 1.3 sore ekime Kristusu xosa saina tetai. Kristusue xumurati, pa Xoiteupo kokaipa sokisokie sarina mena xouro sou xouna nukou xupo meruira miseretai. 21 Pa xati1.21 Ro 8.38;Pl 2.9-10;Kl 2.10; 2.15;Ip 1.4 Kristusue xokupa xetau xetau yaniyani xouroni kutu puroto, xokupa tumu teu xouro puroto, xokupa kapmani xouro puroto, xokupa sapi sokisoki tuku teu xouro purotouna. Nue xokupa apimi mua yause xosa weniniki tuku xeika sewai yausepu xeika tuku xouro purina. 22 Xoiteue1.22 Siri 8.6;Mt 28.18;Kl 1.18;Ip 2.7 xokupa sapi Kristusu1.22-23 Kl 1.18 turo iyarina kawati, nue xokupa sapi tapaxi purati, pa kapiarei nu Yesusure xonikisuwoteneai nikau tumu purina. 23 Kristusure xonikisuwoteneai apimi1.23 Ro 12.5;Ep 4.10; 4.15;Kl 2.9; 3.11 paiya nini Kristusupo mupokemu. Kristusue xokupa sapi minika purina xiri xokopexina, nue Yesusure xonikisuwoteneai apimi xosa xokope xetai.
1:1 1.1 YT 18.19-21; 19.1;Ro 1.1; 1.7;1 Ko 1.1;Kl 1.1
1:2 1.2 2 Ko 1.2;Ka 1.3;Kl 1.2;Ta 1.4
1:3 1.3 Ep 2.6
1:4 1.4 Yo 15.16; 17.24;Ro 8.28;Ep 5.27;Kl 1.22;2 Ts 2.13;2 Ti 1.9;Ye 2.5;1 Pi 2.20
1:5 1.5 Yo 1.12;Ro 8.29-30;2 Ko 6.18;Ka 4.5
1:6 1.6 Mt 3.17;Yo 3.35;Ro 3.24; 5.15;Kl 1.13
1:7 1.7 YT 20.28;Ep 2.7;Kl 1.14; 1.20;Ip 9.12;1 Pi 1.18-19
1:9 1.9 Ro 16.25;Ep 3.4; 3.9-11;Kl 1.26;2 Ti 1.9
1:10 1.10 1 Ko 3.22-23;Ka 4.4;Pl 2.9-10;Kl 1.16; 1.20;Ip 1.2;1 Pi 1.20
1:11 1.11 Ro 8.17; 8.28-29;Kl 1.12;Ta 3.7;Ye 2.5;1 Pi 1.4
1:13 1.13 2 Ko 1.22; 6.7;Ep 4.30;Kl 1.4-6
1:14 1.14 Lu 21.28;Ro 8.23;2 Ko 1.22;1 Pi 2.9
1:15 1.15 Kl 1.4
1:16 1.16 Pl 1.2-4;Kl 1.3;1 Ts 1.2
1:17 1.17 Kl 1.9
1:18 1.18 YT 26.18;Ep 2.12; 4.4;Kl 1.12
1:19 1.19 Ep 3.7;Kl 1.11; 1.29; 2.12
1:20 1.20 Siri 110.1;2 Ko 13.4;Kl 1.16; 2.10-12; 3.1;Ip 1.3
1:21 1.21 Ro 8.38;Pl 2.9-10;Kl 2.10; 2.15;Ip 1.4
1:22 1.22 Siri 8.6;Mt 28.18;Kl 1.18;Ip 2.7
1:22 1.22-23 Kl 1.18
1:23 1.23 Ro 12.5;Ep 4.10; 4.15;Kl 2.9; 3.11