1 Xoiteue3.1 Ep 4.1;Pl 1.7; 1.13;Pm 1; 9 tini xiri asinakuni kutu saitiketai xati, pa xotapaure sore ye Polu ye kakauya xosa purine pa amure, tini xetau xeteneai xuiapu tianitikepure Kristusu Yesusupo saina tiroune. 2 Tini3.2 Kl 1.25 xosa rania pa saina kakina xouwetikina xoukemu tiketai sie, yei pa saina tepineure Xoiteue ye xouweina xoukemu sierina tumuyeretaire, tini iyesikiriaixi nanune. 3 Mua3.3 Ep 1.9-10;Kl 1.26 kuna Xoiteue ekime kakeyai kapiaure paiya ximiaki puroyaina pana, Xoiteu nukoini ye xosa yarareyai paiya, ye xayaka xayaka kunauweitiai. 4 Kristusue3.4-6 Kl 1.26-27 ximiarei pa saina tetaire kuna ye xiri sipani kutuna, tinie mua kuna ninaxinaria tini panumu sipawakuai. 5 Ekime xokupa yause xosa, Xoiteue mua ximiaropu kuna atina uteiwopu xuwe. Pana muaia Xoiteupo Supo Youya xosa, Xoiteue sini Yesusupo tianuwopi xeika Xoiteupo kunatureture xeika xosa atina kuna uteiwotai. 6 Mua3.6 Ka 3.14; 3.28-29;Ep 2.13-19 kuna paiya muanumu. Asinaku kuna xosa paie tini xetau xeteneaipo apimi kinie sini xeika kireni kini xinuku kireni mupusiki sainuku. Kakinuku siko xokupae Kristusu Yesusu xosa Xoiteue xokupa sapi akituworisikeyai tirounuku. 7 Yei mua asinaku kuna uteiwopineure Xoiteue3.7 Kl 1.23-25 kakati ye saina apu saitiai. Nue ye xouweina xoukemu sierina, nue sokisokiyati pa saina tepineure, nupo sokisoki ye sietai. 8 Ye3.8 1 Ko 15.9-10;Ka 1.16;Ep 1.7;Kl 1.27;1 Ti 1.13-15 paiya Xoiteupo kireu xuiapu irueni kutu purinena pana, nue ye xouweina xoukemu sierina pa saina sietai, paiya xetau xeteneai apimi xosa kuna uteiwopineure. Mua asinaku kuna paiya, asinaku sapi nikau, paiya Kristusu taiwoteneai xuiapue tepineri. Mua xokupa sapi paiya sini apue uteinuku ninaxepu sie xuwe. 9 Xoiteue3.9 Ro 16.25;1 Ko 2.7;Ep 1.9;Kl 1.16; 1.20;Ip 1.2 xokupa sapi iyarina, ximuximuni nukoe kapia kakepurexeyai nanunanu ximiakereyai. Kakati ekime pa nanunanu sipesi ximiaki purotai. Pana muaia yei nupo nanunanu yarani uteiwopineure saina sietai. 10 Ekime3.10 Ro 8.38; 11.33;Ep 1.21;1 Pi 1.12 ximiakereyaina pana, muaia nukoe kakati nukoure xonikisuwoteneai xuiapu putawori, pa kapiarei nupo xokupa xokupa asinaku nanunanu xeika sipa xeika yaraxeri, mena xouropu sokisoki yaniyani xeika tumu xeikae Xoiteupo nanunanu sipawopineri. 11 Ekimeni Xoiteue mua saina kakepure nanuwoyai xati, ximine sikou Kokaipa Kristusu Yesusupo sainae saina tietai. 12 Kakati 3.12 Yo 14.6;Ro 5.2;Ep 2.18;Ip 4.16sini Kristusure xosikisunuku, sini ximikiroukirixe. Sini xiri sipa, Kristusu nu Xoiteu xosa putawopu ime. 13 Pa xati3.13 Kl 1.24 ye ximine tini katikine, tini tianitikepure mua tatau xemetiaire xekepi nanunanuwari, tinipo xotikisu oro koxete. Xuwe. Mua sapi yaraxetaire tini nimaririwa, pa amure, tini Xoiteu xeika ati purakuaire tianitikepina.

14 Xauwae kakeyai kapiaure nanune nure xoitapa ukurouroune. 15 Nue3.15 Ep 1.10;Pl 2.9-11 xokupa kini mena xouro puroto ouro purotowoteneai nikau Eminiki xati, nukoini nini xokupa weniniketai. 16 Yei3.16 Ro 9.23;2 Ko 4.16;Pl 4.19;Kl 1.11; 1.27 xoitapa ukuroune ipaki kunikunine, Xauwae tini asinaku asinaku sapini kutu tikepure akituworitiketai, pa xati nukou Supo Youya tinipo xotikiro koratia tini xiri sokisokini kutu purakuai xiroune. 17 Tinipo xotikisue3.17 Yo 14.23;Ep 2.22;Kl 1.23; 2.7 kakatia Kristusue tinipo xotikiro puropina. Kakatia kireu xiri xonikiewopi kapia paie, tinipo xotikikemu tuporo xiri sokisokina paiya ouwe na poru soki tati nae soki tumurouna sie kakatia tini sokisoki tumuwakuai. 18-19 Pa xati3.18-19 Yo 1.16;Ro 10.3; 10.11-12;Ep 1.18; 1.23;Kl 2.2; 2.9-10 tinie Xoiteupo xuiapu xeika sokisoki takuai, kakinari Kristusue kireu xiri xouwenikepi kapia paiya, xiri kokaipani kutu xati, tini xokupae atinari sipawakuai, paiya pani xuwau xouna, xouroni kutu xouna, taipa toupaini xouna. Iyo, Kristusue kireu xouwenikepi kapia paiya xokupa sipa xiri emeserinikinana pana, tini nu xiri sipawakuai. Kakinaria xokupa asinaku sapi Xoiteu nuko xosauni koxetai paiya, tini xosa rania koxepineri.

20 Xoiteupo sokisokieni3.20 Ro 16.25;1 Ko 2.9;Kl 1.29 sikou xosikiro saina tirouna xati, pa sokisokie sikou nanunanu xiri emeserina. Xoiteue xokupa sapi kakepinaure kotourounukua, nini Xoiteupo sokisoki sieni kutu xepuworixe. 21 Pa xati3.21 Ro 11.36; 16.27;Ip 13.21 Yesusure xonikisuwoteneai xuiapue, sipesi sipesi Kristusu Yesusupo wenumurei Xoiteupo wenumu xokupa yause rania xourorepineri. Pa suau.