100
Katyoẍink tetz Kataj na i' bnol ketz
Yi e'u' yi ate'u' bene'n tzi'n wi munt cyak'e'u' chik'ajsbilu' tetz Kataj.
Tzatzin cu'n chibne'u' chimunlu' swutz i'. Tzatzin cu'n chibitzinu' swutz tan tak'le'n k'ej i'.
Eli'ch te chic'u'lu' yi Kataj i' kaRyosil. I' bnol ketz.
Ej nin o' tetz, o' tanum i'. Ni'cu'n chi o'-k cneru' yi na chiwan le tetz cojbil.
Yi na cho'cu' le puertil yi tetz ca'l ba'n chityoẍinu' tetz.
Nin yi na cho'cu' wutzk'anil yi tetz ca'l tan tak'le'n chik'ajsbilu' swutz i', chityoẍinku' tetz, nin cyak'e'u' k'ej yi tetz bi'.
Na chumbalaj nin i'. Quinin bajsbe'n tetz yi banl talma' i'. Nin ba'n k'uke' kac'u'l te'j sbne' opon tunintz.