99
Yi ketz Kataj i' yi wi'tz rey
1 Yi ketz Kataj i' yi wi'tz rey.
Nin cyakil jilwutz wunak yi ate' wi munt na chixob tetz.
Na, c'olchij i' wi ẍchem tan cawu'n, nin ate' cyen yi e' querubim jak' yi c'olchbil i'.
2 At wi'nin tetz k'ej nin na cawun wi Sión.
Nin i' ajcaw tibaj cyakil e'chk tnum yi at bene'n tzi'n.
3 Ba'n cyak' yi e' wunaka'tz chik'ajsbil tetz, nin ba'n chixob tetz.
Na chin xo'wbil nin i'. Chin xan nin i'.
4 Ilu' kareyil chin cham nin ilu'.
Nin na pek'u' te e'chk ajtza'kl yi jicyuch te'j.
Na tan ilu' nicy'nin tu' kutane'n, yi o' xonl Jacow.
5 Cyak'e'u' bin chik'ajsbilu' tetz Kataj yi kaRyosil.
Nin chimejbaj quibu' swutz i'. Na chin xan nin i'.
6 Yi Moisés tu Aarón ja chixcon tetz chipale'il wunak swutz i'.
Ncha'tz Samuel ocnak tan na'wse'n bi' i'.
Yi e'a'tz, e' oc tan jakle'n ẍch'eybil cyetz tetz, nin ja stza'wej i' yi chitzi' chikul.
7 Ja jilon tzaj i' scyetz tul jun boc'oj sbak'.
Nin ja tal scyetz yi mbi tajwe'n tan chibnol, nin ja chiban tane'n cyakil, quib yi ntal i' scyetz.
8 Ilu' Kataj yi kaRyosil.
Ja stza'weju' cyakil yi mbi nchijak teru'.
Nin ja cuyu' chipaj. Poro ncha'tz, ja tak'u' chicaws tan yi quil yi nchijuch swutzu'.
9 Cyak'e'u' bin chik'ajsbilu' tetz Kataj yi kaRyosil.
Nin chimejeku' swutz yi ama'l kale atit i', na chin xan nin.
Wi'nin xanil kaRyosil.