114
Yi na ul tx'akx tkac'u'l yi cyele'n tzaj yi e' kamam kate' Egipto
1 Yi cyele'n tzaj yi e' kaxonl Israel, yi e' xonl Jacow, le tnum Egipto, yi chi'ama'l yi e' awer nak,
2 ya'stzun yi cyoque'n yi e' xonl Judá tetz najbil Ryos. Nin ya'stzun yi cyoque'n yi e' aj Israela'tz jak' ca'wl i'.
3 Ej nin yi bene'n tilol yi mar yi e' xonl Israela'tz, ja tzun el ojk ẍchiwutz tane'n. Nin yi a' Jordán ja aj le je'nak.
4 Ncha'tz yi e'chk ju'wtz, ja chitz'itpun chi na chiban yi e' tal ne'ẍ chiw scyuch' e' ne'ẍ cneru'.
5 Aẍ mar, ¿mbi tzuntz yi ncẍe'l ojk? Nin aẍ a' Jordán ¿mbi tzuntz yi ncẍa'j le je'nak?
6 Ncha'tz axwok e'chk ju'wtz ¿ẍe'n mban yi nxo'cwok tan tz'itpu'n chi na chiban e' ne'ẍ chiw scyuch' yi e' tal cne'r?
7 Poro ba'n ko na lucne' yi wuxtx'otx' swutz Kajcaw yi Ryosil Jacow.
8 Na ja xcye' i' tan xtx'ixpe'n e'chk wutz c'ub tetz lawun, nin ncha'tz yi e'chk c'ub tetz bo'm.