128
Yi banl Kataj yi na tak' i' scyetz yi e' yi e' c'ulutxum jak' ca'wl i'
1 Ba'n cyeri yi e' yi na cyek ẍchi' Ryos, nin yi e' yi c'ulutxum e' jak' yi tetz ca'wl.
2 Na yi e'a'tz ẍchiwank te yi cyak'un. Ẍchitzatzink, nin chumbalaj nin sbne' cyakil yi mbil chiban.
3 Ncha'tz yi e' quixkel, scyalaj wi'nin cyal.
Cho'n cunin ẍchibne' chi na ban jun wi' uva yi na jal wi'nin wutz.
Nin yi chinitxajila'tz, cho'n cunin ẍchibne' chi na xlumin yi ta'kl jun wi' oliw.
4 Ya'stzun sbajok scye'j yi e'a'tz tan Kajcaw, yi e' yi na cyek ẍchi' i'.
5 Lok tak' tzaj Kajcaw yi banl talma' squibaj, jalen wi'wtz Sión.
Lok quilu' yil tak' i' banl tibaj Jerusalén.
Iẍnink ate'u'-tz yil bajij e'chk xtxolbila'se'j.
6 Lok cyech ninu' chiwutz yi e' chimamaju'.
Lok jal tzatzin paz bene'n tzi'n le e'chk ama'l cwent Israel.