129
Na ke'l liwr tan Kajcaw
1 Quin techix nin q'uixc'uj icy'pon ka'n, jetz yi xiquil tzaj o', yi o' xonl Israel.
2 Quin techix nin bis o'kl ja ul skawutz sajle'nix tunintz jetz yi ac'ajil tzaj o'.
Poro quiw cuntunin o' swutz.
3 Ja cho'c yi e' kacontr tan kajicyle'n tan xicy'xab.
Nin tan paj biybe'n ketz, at yi e'chk ẍch'ilil wutz kacoc.
4 Poro ntyoẍ tetz Kajcaw, yi jun yi chin tz'aknak cu'n, i' nko' colpin ẍchik'ab yi e' mal naka'tz.
5 Lok tz'el chitx'ix yi e' kacontra'tz. Lok che'l ojk yi e', yi e' contr te ka'ama'l Sión.
6 Cho'nk chiban chi na ban xtze' yi na jal wi'ak xc'o'nil ca'l, yi qui na ch'uy mas nin jalcu'n na ske'j.
7 Yi jun jilwutz xtze'a'tz qui'c na tak', nk'e'tz cho'n chi na ban triw yi na oc yi taw tan je'se'n nin tan c'alche'n. Nin boc'oji'n na ban yi na colxij.
8 Poro yi nink tz'oc jun yaj tan molche'n yi xtze'a'tz, cya'l nin jun scyeri e' wunak yi na chicy' cu'ntz, yi nink cyal tetz:
“Ba'n teru' ja tak' Ryos balaj cosech teru'.”
Ncha'tz i' tetz, qui'c rmeril tan saje'n tlol scyetz yi e' wunaka'tz:
“Lok tak' Ryos yi banl squibu' chi tane'n wetze'j.”
Ni'cu'n tzun quitane'n yi e' kacontra'tz chi e'chk xtze' yi qui'c xac.