8
Yawe God nuwagiura beradi yabera
22 Yawe God, Tagu nuwagiura ibera yaiyainegu,
muriye da mmko kuburina ibera. Naghove waghata, muriye da awaki sawaridi iyabera na tagu iberagu.
23 Dagudagune waghata na, Tagu nuwagiura atubugha,
muriye da kubura iyabera.
24 Dagudagune Tagu nuwagiura atubugha,
muriye da Yawe God yegii ibera,
bi kate rarima wusirama sakanikanibuna.
25 Muriye da koya iyakabiwiipakipakidi,
na Tagu nuwagiura atubugha yaiyainagha.
26 Raghanina atubughana,
Yawe God genada kubura da guburidi iyaberana, bo getana dobodobo.
27 Yawe God abama kiidamove itore raghanine na tagu nada nama,
da kate gawara ikabiguba da meme abama da yegii sinibanana.
28 Uwa abama kamone itoura raghanine na tagu nama ririne,
bi kate wusira ibera da yegii sivibonuvina raghanine.
29 Yawe God yegii kana barata itore raghanine na Tagu nama,
bi iwoneni da genoko barasina iyaveratupirenina.
Tagu nama noko raghanine bi kubura kayena itore.
30 Touna mmkodi sawaridi iberadi raghanine na Tagu nama bi aviwiiteni da kanuwagiura bi kabera.
Gabudara patepatena na ayaberabera da iyiinuwamiise,
bi bada nonowa na ayiinuwamiise da Tagu nama touna yawata.
31 Tagu avinuwamiise da kubura ibera na akitani,
bi avinuwamiise kirakii da wawaya nama kamone akitadi.