9
Nuwagiura da kawakeekee
1 Nuwagiura yana bare iyoghani ware abayoghayoghana yaberana naboni;
touna barena kiiravine na kanakoghora yadi 7 itarakatukatuyidi.
2 Wasikena parapa ribiribi iunugha da kepo ghamanakina kiiravine ikabununayi,
da kana wain iwamira,
bi sawara tupadi na kiinabonabo debane itoura.
3 Bi yana tamariyana wasiwasike idarudi sikanibu da wawaya tupadi siyiyonedi.
Nuwagiura kwanatu kamone gawara gekirakiina debanama iyiikwatu,
4 iyawonawona bo, “Iiyawogha geakakovimi
korughu yagu bareye,”
bi kawakeekeedi biiyadi iyawonawona bo,
5 “Kopiika, korughu yagu kam konakani,
bi wain meko awamirina konaniuni.
6 Kawakeekee beradi kokuyowana,
bi konadagu yawa miisene konamakae,
bi akowa yana keda konakivini.”