113
Hodáwand nézgárá chesta kant
1 Hodáwandá benázénét, Halléluyá.
Benázénét, oo Hodáwanday hezmatkárán!
Hodáwanday námá benázénét.
2 Hodáwanday námá satá o saná bát,
cha annuná tán abad.
3 Mashreká beger tán magrebá,
Hodáwanday nám názénag bát.
4 Hodáwand sajjahén kawmáni sará porjalál ent o
áiay shán o shawkat cha ásmánán borzter.
5 Kay may Hodáwandén Hodáay dhawlá ent?
May Hodá borzád, wati bádsháhi tahtá neshtag.
6 Á jahla bit
ke ásmán o zeminá bechárit.
7 Á nézgárá cha háká o
hájatmandá cha poráni hákóthá chesta kant.
8 Shahzádagáni nyámá nádénitesh,
wati kawmay shahzádagáni nyámá.
9 Santh o béawládén janéná washdel o chokkáni máta kant o
áiay lógá ábád.
Hodáwandá benázénét, Halléluyá.