100
Qotei aqa ñam soqtqajqa lou
1 O tamo uŋgasari sawa sawa kalilq di unub qaji, niŋgi Tamo Koba Qotei qa areboleboleiŋgim leleŋoqniy.
2 Od, niŋgi Tamo Koba Qotei aqa ñam soqtosib arebolebole na ti lou na ti aqa areq giloqniy.
3 Tamo Koba a segi qujai Qotei bole. Niŋgi deqa qalieoiy. A na iga gereigej. Iga aqa segi tamo uŋgasari unum. Iga aqa kaja bul unum.
4 Niŋgi Qotei aqa atra tal miligiq gilsib a biŋiyosib aqa ñam soqtiy. Od, niŋgi a biŋiyosib aqa ñam soqtiy.
5 Tamo Koba Qotei a kumbra bole yeqnu. A na bati gaigai iga qalaqalaigoqnqas. A aqa segi anjam bole dauryeqnu. A aqa anjam di uratosaieqnu. Tamo uŋgasari bunuqna brantqab qaji naŋgi aqa kumbra di gaigai unoqnqab.