8
Qotei a ñam koba ti unu
1 O gago Tamo Koba Qotei, sawa sawa kalilq dia ino ñam bolequja branteqnu. Ni na ino riaŋ kobaquja babteqnam a tulaŋ goge oqsiq laŋ qure buŋyejunu.
2 Ni na aŋgro kiñilala naŋgi siŋgila enjreqnam naŋgi ino ñam soqteqnub. Ino kumbra dena ni na ino jeu tamo naŋgi ti tamo qalo qaji naŋgi ti medabu getentetnjreqnam naŋgi ino ñam ugeugeiyqajqa keresaiinjreqnu.
3 O Abu Qotei, laŋ ni gereiyem qaji di e uneqnum. Bai ti bongar ti ni laŋ goge dia ateleŋem qaji di dego e uneqnum.
4 Unoqnsim endegsi ni nenemmeqnum, ni kiyaqa iga mandam tamo qa are koba unu? Kiyaqa ni na iga geregere taqatgeqnum?
5 Ni na iga gereigosim laŋ aŋgro naŋgo sorgomq di atem. Ariya bunuqna ni na olo iga ñam koba ti siŋgila ti egem.
6 Od, iŋgi iŋgi kalil ni gereinjrem qaji di ni gago sorgomq di atsim iga na taqatqajqa deqa wau egem.
7 Kaja ti makau ti wagme kalil nañuq di unub qaji naŋgi ti
8 qebari kalil laŋ goge dia pururueqnub qaji naŋgi ti qe kalil yuwalq di unub qaji naŋgi ti wagme kalil yuwal miligiq di laqnub qaji naŋgi ti di ni na eleŋosim gago sorgomq di ateleŋem.
9 O gago Tamo Koba Qotei, sawa sawa kalilq dia ino ñam bolequja branteqnu.