87
Zaiↄ̃ bi Luda wɛ̃tɛmɛ
Kora burinↄ lɛ̀ɛ.
Luda a wɛ̃tɛ kàtɛ
kpi kũ à kú adona musu,
Dikiri ye Zaiↄ̃ bĩnilɛnↄi
de Yakubu burinↄ wɛ̃tɛ kparanↄla pínki.
Luda wɛ̃tɛ,
Luda gakuriyã ò n musu à pì:
Mani Misilanↄ kũ Babilↄnudenↄ da
gbɛ̃ kũ ò ma dↄ̃nↄ tɛ́.
Filisitininↄn kú a gũn dↄ
kũ Tayadenↄ kũ Etiopianↄ.
Oni pi, ò gbɛ̃ birenↄ ì gwemɛ.
 
Zaiↄ̃ yã musu oni pi:
Ò wãanɛ kũ wãanɛo ì gwemɛ,
Luda Musude mɛ́ àdi a zĩni pɛ́tɛ gíngin.
Tó Dikiri tɛn gbɛ̃nↄ tↄ́ da takadan,
ani pi: Ò gbɛ̃ dí ì gwemɛ.
Lɛ̀sirinↄ kũ ũwãrinↄ ń pínki ò pi:
Ó manakɛ pínki dì bo Zaiↄ̃mɛ.