111
Dii tↄ́bↄna
1 Aleluya!
Mɛ́ Dii sáabu kpá kↄ̃n nↄ̀sɛo do
gbɛ̃ maaanↄ kakↄ̃ana guu.
2 Dii yãkɛnanↄↄ bíta,
gbɛ̃ kɛ̀ à yã kɛ̀ńnɛ nnaanↄ è wɛtɛ wà dↄ̃.
3 À yãkɛnanↄↄ bɛ̀ɛ vĩ kↄ̃n gakuio,
à yãmaakɛna yãana vĩro.
4 Dii tò wà dↄ a yãbↄnsaɛkɛnanↄn,
à sùu vĩ kↄ̃n wɛ̃ndaao.
5 È pↄ́blee kpá a vĩakɛrinↄa,
ègↄ̃ dↄ a bà kuunańyo yãn.
6 À a yãkɛnanↄ gbãaa ↄ̀dↄa a gbɛ̃nↄnɛ,
à bori pãndenↄ bùsunↄ sì à kpàḿma.
7 À yãkɛnanↄ náanɛ vĩ bensↄ̃ à zɛ́ vĩ,
à yãdannɛnanↄ yãpuraa vĩ píngi.
8 Yã pìnↄ kãsãa pɛɛna gurↄ píngi,
è yã kɛ a zɛ́a kↄ̃n náanɛo.
9 À mìsiri zĩ̀ à a gbɛ̃nↄ bò,
à bà kúńyo gurↄ píngi.
À tↄ́ kú adona, à naasi vĩ.
10 Vĩakɛna Diinɛn ↄ̃ndↄ̃ mì ũ,
gbɛ̃ kɛ̀ aↄ̃ↄ à vĩa vĩinↄn asãnsideenↄ ũ.
À táakilɛna égↄ̃ yãana vĩro.