112
Gbɛ̃ kɛ̀ Dii vĩa vĩi
1 Aleluya!
Aubarikadeen gbɛ̃ kɛ̀ Dii vĩa vĩi ũ,
bensↄ̃ Dii yãdiɛnanↄ è kánɛ maamaa.
2 À nɛ́nↄ égↄ̃ gbãadeenↄ ũ ń bùsun,
nↄ̀sɛpuradee boriinↄ égↄ̃ dɛ aubarikadeenↄ ũ.
3 Ɔↄ kↄ̃n auzikio di à bɛ,
à yãmaakɛna yãana vĩro.
4 Baa gusiaan guu è pu gbɛ̃ maaanɛ,
nↄ̀sɛpuradee kɛ̀ sùu kↄ̃n wɛ̃ndaao vĩi.
5 Gbɛ̃ kɛ̀ è ↄ poro, kɛ̀ è pↄ́ sɛ̃kãńnɛ,
bensↄ̃ è yã kɛ a zɛ́a, yã è bↄo nna.
6 Pↄ́ke é gbɛ̃ maaa lá ble zikiro,
à yã égↄ̃ dↄńgu gurↄ píngi.
7 Baaru zaaa è à vĩa kũro,
à làakari ègↄ̃ kpaɛna, ègↄ̃ Dii náanɛ vĩ.
8 À kù è vĩro, vĩa è à kũro
ai à gá à yↄ̃̀gↄ̃ kɛ a ibɛɛnↄa.
9 È gba da takaasideenↄnɛ maamaa,
à yãmaakɛna yãana vĩro,
à gbãaa ègↄ̃ kaara kↄ̃n bɛ̀ɛo.
10 Gbɛ̃ zaaa è à e à pↄ fɛ̃,
è swaa kakũn à naguzi,
gbɛ̃ zaaa pↄyezina è kɛ pã.