6
Faaba wiipɛna Ludazi
Dauda lɛ̀. Wè sí kↄ̃n mↄrↄlɛnaomɛ.
1 Dii, ǹton kpãkɛ̃mazi kↄ̃n pɛ̃tɛ̃oro,
ǹton ma toto kↄ̃n pↄfɛ̃oro.
2 Ǹ ma wɛ̃nda gwa, Dii,
zaakɛ ma ã'ã,
ǹ ma kɛ̃kↄ̃a, Dii,
zaakɛ ma wánↄↄ e wii.
3 Ma pↄↄ yàka búgubugu, Dii,
bↄrɛn nɛ́ dↄmalɛɛ?
4 Ǹ ɛara ǹ ma mì sí, Dii,
ǹ ma faaba kɛ n gbɛ̃kɛ yãnzi.
5 Zaakɛ gɛ̀ é e à n tↄ́ kpáro,
weé n sáabu kpá mira guuro.
6 Ma m̀bona ma kpasa,
ma mìbↄkↄ è ga kↄ̃n wɛ́ɛ'io,
ma daɛbↄ è yĩi kũ ai guu gá dↄo.
7 Ma wɛ́ɛ kakana kↄ̃n pↄsia ↄ́ↄdↄnao,
èe gaa kɛ̀ ma ibɛɛnↄↄ pari yãnzi.
8 À gu ma kiia zaakɛrinↄ,
zaakɛ Dii ma ↄ́ↄdↄna mà.
9 Dii ma wiipɛna mà,
Dii ma aduakɛna sì.
10 Wí é ma ibɛɛnↄ kũ ń píngi aↄ̃ gↄ̃ bídi guu,
aↄ̃é fu kãndo aↄ̃ kpɛɛ li.