81
Isarailinↄ zĩbaa lɛ̀
Asafa lɛ̀.
1 À guda dↄ Luda wa gbãaaa,
à pↄnna wii pɛ́ Yakubu boriinↄ Ludaa.
2 À lɛ̀ dↄ à bata lɛ́
kↄ̃n mↄrↄ'ↄ nnaao kↄ̃n kuntigio.
3 À kuu pɛ́ mↄ dufu bↄnao,
à pɛ́ tó mↄↄ ↄzi kɛ̀ wa zĩbaagurↄ,
4 zaakɛ à dɛ doka ũ Isarailinↄnɛmɛ.
yã kɛ̀ Yakubu boriinↄ Ludaa dìɛn gwe.
5 À yã pì dà Yusufu boriinↄnɛ
gurↄↄ kɛ̀ à vĩ̀ Igipiti bùsula.
Aↄ̃ kòto kɛ̀ wà dↄ̃roo mà à bè:
6 Ma asoo gò a gã̀n,
ma a ↄↄ bↄ̀ɛ ɛ̃ɛbona zĩin.
7 A wii pɛ̀mazi nawɛ̃akɛgurↄ, ben ma a bↄ,
ma weala zaa louvĩnan,
ma a lɛ ma a gwa zaa Mɛriba í kiia.
8 À swã kpá ma gbɛ̃nↄ, mɛ́ lɛ́ daawa,
amↄa Isarailinↄ, tó é ma yã ma dé!
9 Àtongↄ̃ bori zĩ̀tↄnↄ tãa vĩ a tɛ́ro,
àton kúɛ dii pãndenɛro.
10 Mámbe Dii a Luda ũ,
ma a bↄɛ Igipiti.
À a lɛ́ wɛ̃, mɛ́ tó àgↄ̃ kãna.
11 Mↄde Isarailinↄ gì ma yã mazi,
ma gbɛ̃ pìnↄↄ e mì siɛmɛro.
12 Ben ma ń tó kↄ̃n ń swãgbãakɛɛo,
aↄ̃ↄ tɛ́ ń zĩnda pↄyezizi.
13 Tó wà be Isarailinↄ é ma yã ma,
tó ma gbɛ̃nↄↄ tɛ́ ma yãzi,
14 lɛ mɛ́ ń ibɛɛnↄ sↄ̃ɛ gↄ̃ↄgↄ̃ↄ,
mɛ́ ↄ sↄ̃ ń zangurinↄzi.
15 Ma zangurinↄ é na ń sàsaa ma aɛ,
aↄ̃ wɛ́ɛtãmmana égↄ̃ yãana vĩro.
16 Mɛ́ gbasa mà a gwa kↄ̃n pↄ́wɛɛ maaao,
mɛ́ ɛara mà gbɛ̀ zↄ́'i kpáawa à mↄ́awa.